Үч тәшкилатниң вәкиллири әнқәрәдә муһим учришишлар елип барди

Ихтиярий мухбиримиз әркин тарим
2020-01-17
Елхәт
Пикир
Share
Принт
Дуня уйғур қурултийи, уйғур академийәси вә әнқәрәдики уйғур институти мәсуллиридин тәркиб тапқан һәйәтниң әнқәрәдики муһим учришишлиридин көрүнүш. 2020-Йили 14-январ. Әнқәрә, түркийә.
Дуня уйғур қурултийи, уйғур академийәси вә әнқәрәдики уйғур институти мәсуллиридин тәркиб тапқан һәйәтниң әнқәрәдики муһим учришишлиридин көрүнүш. 2020-Йили 14-январ. Әнқәрә, түркийә.
RFA/Erkin Tarim

Дуня уйғур қурултийи, уйғур академийәси вә әнқәрәдики уйғур иниститути мәсуллиридин тәркип тапқан һәйәт түркийәдә һакимийәт бешидики адаләт вә тәрәққият партийәси муавин башлиқи җәвдәт йилмаз, өктичи партийәләрдин бири болған саадәт партийәси рәиси тәмәл қарамоллаоғлу әпәндиләр билән учришип, уйғурларниң еғир вәзийити баян қилинған «шәрқий түркистанда ирқий қирғинчилиқ», «шәрқий түркистанда инсан һәқлири дәпсәндичилики» намлиқ доклатлирини вә түркийәдики уйғурларниң қийинчилиқи баян қилинған тәләп хетини сунди. Бир саәт давамлашқан учришиштин кейин микрофонимизни саадәт партийәси башлиқи тәмәл қарамоллаоғлиға узаттуқ. У, мундақ деди: «силәрниң бизгә мәлумат бәргәнликиңларға сөйүндүм. Аллаһ силәргә яр болсун. Һәқиқәтән хитай елип бериватқан зулумни әйиблимәй туралмаймиз. Буларни нәзәрдә тутуп туруп һазир түркийәдә иқамәт билән туруватқан 20 миң уйғурға түркийә вәтәндашлиқ бериши керәкликини тәкитләймиз. Иккинчи бир мәсилә мусулман дөләтләрниң вә ғәрип әллириниң шәрқий түркистан мәсилисидә хитайға бесим ишлитиши керәк.»

У, хитайниң шәрқий түркистандики мусулманларға қарита әқилға сиғмайдиған бесим сиясити елип бериливатқанлиқиға ишинидиғанлиқини баян қилип мундақ деди: «хитайниң шәрқий түркистандики мусулманларға қарита еқилға сиғмайдиған бесим сиясити елип бериливатқанлиқиға ишинимиз. Биз хитайниң бу зулумини тохтитиш үчүн түркийәдә вә пүтүн ислам дунясида хитай маллирини байқут қилиш керәк дәп ойлаймиз. Гәп аңлимайватқан хитайға бу йол арқилиқ гәп аңлатқили болуши мумкин. Мән пүтүн дунядики уйғурларниң балдуррақ бу дәрттин қутулушини үмид қилимән.» 

Арқидин һәйәт түркийә парламентиға берип милләтчи һәрикәт партийәси парламент әзаси олҗай килавуз билән көрүшти. У, уйғур мәсилисини изчил һалда парламенттә оттуриға қойғанлиқи үчүн, униңға дуня уйғур қурултийи билән уйғур академийәси намидин хатирә плакати тәқдим қилинди. Уйғур академийәси хитай тәтқиқат иниститути мудири доктор пәрһат қурбан бу һәқтә мәлумат бәрди. 

Қиммәтлик радйо аңлиғучилар 14-январ күни елип берилған бу учришишларниң һәммисидә вәтән ичи вә сиртидики уйғурлар тоғрисида доклат сунулған. Уйғур академийәси иҗраийә рәиси абдулхәмит қарахан әпәнди учришишларда һәр қайси сиясий партийәләрдин вә парламент әзалиридин ярдәм тәләп қилғанлиқини баян қилди.

Уйғур һәйәт учришиш елип барған партийәләрниң рәһбәрлириниң ейтишичә хитай әлчиси һәр йили 2-3 қетим буларни зиярәт қилип, уйғур диярини қаттиқ тәрәққий қилдуриватқанлиқи тоғрисида мәлумат беридикән. Ундақта бу хил зиярәтләрниң әһмийити немә? абдулхәмит қарахан әпәнди бу хил учришишларниң әһмийитиниң зор икәнликини баян қилди. 

Бир қанчә йилдин буян дуня уйғур қурултийи қатарлиқ уйғур тәшкилатлири һәр қайси дөләтләрдики партийә рәһбәрлири, һөкүмәтлири вә аммивий тәшкилатл мәсу’ллири билән учришиш елип беришқа алаһидә әһмийәт бәрмәктә.

Пикирләр (0)
Share
Толуқ бәт