10 Ming 420 kishilik imza türkiye parlaméntigha tapshurulghan

Ixtiyariy muxbirimiz erkin tarim
2021-02-18
Share
10 Ming 420 kishilik imza türkiye parlaméntigha tapshurulghan "Kélechek" partiyesi konya sheherlik yashlar yachéykisining re'isi osman basharan ependi we lagér qurbanlirining a'ile ezaliri birlikte toplan'ghan imzalarni türkiye parlaméntining re'isige hemde parlaménttiki her qaysi siyasiy partiyelerning wekillerige tapshurup bergen. 2021-Yili féwral, türkiye.
RFA/Erkin Tarim

Türkiye bilen xitay arisida tüzülgen "Jinayetchilerni öz'ara ötküzüp bérish kélishimi" ning türkiye parlaméntida maqulluqtin ötüshini tosush üchün toplan'ghan 10 ming 420 kishilik imza "Kélechek" partiyesi teripidin türkiye parlaméntigha tapshurup bérilgen.

Türkiye axbaratlirida türkiye bilen xitay arisida tüzülgen "Jinayetchilerni öz'ara ötküzüp bérish kélishimi" ning 2017-yili ikki dölet ministirliri arisida imzalan'ghanliqi, 2019-yili türkiye prézidénti rejep tayyip erdoghan buninggha imza qoyghan bolsimu, emma türkiye parlaméntining maqulluqidin ötmigenliki xewer qilin'ghan idi. Bu xewer tarqalghandin kéyin, 13-yanwar küni "Kélechek" partiyesining yashlar yachéykisi türkiyening konya wilayitide imza yighish pa'aliyiti uyushturup, "Jinayetchilerni öz ara ötküzüp bérish kélishimi" ning türkiye parlaméntida maqulluqtin ötüshini tosushqa kirishken idi. Qisqighina waqit ichide 10 ming 420 kishilik imza yighilghan bolup, bu imzalarni 17-féwral küni "Kélechek" partiyesining mu'awin re'isi selchuq özdagh, "Kélechek" partiyesi konya sheherlik yashlar yachéykisining re'isi osman basharan ependi we lagér qurbanlirining a'ile ezaliri bilen birlikte türkiye parlaméntining re'isige hemde parlaménttiki her qaysi siyasiy partiyelerning wekillerige tapshurup bergen.

Selchuq özdagh ependi imzalarni tapshurup bérishtin burun türkiye parlamént binasining aldida muxbirlargha bayanat bérip mundaq dédi: "Partiyemiz konya wilayitidin 10 ming 420 etrapida imza yighip, türkiye parlaméntining re'isige, türkiye prézidéntigha, türkiye parlaméntidiki siyasiy partiyelerge we saylamgha qatnishish salahitige ige bolghan barliq siyasiy partiyelerge ewetip berdi. Biz türkiye bilen xitay otturisida tüzülgen 'jinayetchilerni öz ara ötküzüp bérish kélishimi' ning bikar qilishini, shundaqla türkiye parlaméntning bu kélishimni maqullimasliqini chaqirimiz."

"Kélechek" partiyesining mu'awin re'isi selchuq özdagh ependi, xitay hökümiti Uyghurlargha élip bériwatqan zulumlirini toxtatmiche, bu küreshni dawamlashturidighanliqini bayan qilip, mundaq dédi: "Xitay erkin dunyagha bu zulumlarning toxtighanliqini ispatlighuche, biz bu mujadilemizni dawamlashturimiz. Bu imzalardin kéyin xudayim buyrisa türkiye parlaméntining re'isi, prézidént rejep tayyip erdoghan we bashqa barliq parlamént ezaliri bu mesilige köngül böler dégen ümidtimiz. Biz wijdanliq wetendash we 'kélechek' partiyesi bolush süpitimiz bilen türkiyediki barliq siyasetchilerni, ammiwiy teshkilatlarni, axbarat organlirini we keng xelq ammisini sherqiy türkistan mesilisige köngül bölüshke chaqirimiz."

Imza toplash pa'aliyiti 1-ayning 13-küni türkiyening konya shehride bashlan'ghan bolup, bir ay ichide on mingdin artuq imza yighilghan. Imza yighish pa'aliyitige mes'ul bolghan yash siyasetchi osman basharan ependi bu toghriliq melumat bérip, mundaq dédi: "Bir ay ichide 10 ming 420 imza yighduq. Meqsitimiz 'jinayetchilerni öz ara ötküzüp bérish kélishimi' ni parlaméntta maqulluqtin ötküzmesliktur. Sherqiy türkistan bizning ata yurtimiz, sherqiy türkistanliqlar bizning qérindashlirimiz. Partiyemizning re'isi exmet dawut'oghlu 'Uyghur qérindashlirimizning néme derdi bolsa ulargha yardem qilinglar' dep bizge yolyoruq berdi. Eger 'jinayetchilerni öz ara ötküzüp bérish kélishimi' parlaméntta muzakirige qoyulup qalsa, uni tosush üchün parlamént binasining aldida kéche-kündüz namayish qilimiz."

Ziyaritimizni qobul qilghan sultan satuq bughraxan weqpi konya shöbisining re'isi ablet udun ependi qisqa waqit ichide 10 ming 420 imza yighilghanliqini, bu pa'aliyet arqiliq Uyghur mesilisining keng xelq ammisigha anglitilghanliqini bayan qildi.

Biz mezkur kélishimning türkiye parlaménti omumiy yighinida muzakiri qilin'ghan yaki qilinmighanliqi toghrisida melumat igilesh üchün "Iyi" partiyesining mu'awin re'isi, tashqi ishlar komitétining ezasi exmet kemal er'ozan ependidin melumat soriduq. U téléfon arqiliq mundaq uchur yollidi. "Téxi tashqiy ishlar komitétining küntertipigimu kelmidi."

"Kélechek" partiyesi bilen sultan satuq bughraxan weqpining konya shöbisi 13-yanwar küni birlikte bashlighan bu pa'aliyetning tunji imzasini sabiq bash ministir, "Kélechek" partiyesining re'isi exmet dawut'oghlu qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet