Xitay hökümiti türkiyediki siyasiy pa'aliyetlirini janlandurmaqta

Ixtiyariy muxbirimiz azigh
2021-06-29
Share
Xitay hökümiti türkiyediki siyasiy pa'aliyetlirini janlandurmaqta Istanbul waliysi aliy yerlikaya 22-iyun küni xitay bash elchisi lyu shiyawbin bilen körüshti.
Social Media

Gherb döletliride ötküzülgen G-7 we shimaliy atlantik ehdi teshkilatining yighinidin kiyin, türkiyediki xitay diplomatik organlirining pa'aliyetliri barghanséri janlinishqa bashlighan.

"Milliyet" gézitining xewer qilishiche, jumhuriyet xelq partiyesi re'isning tashqiy munasiwet meslihetchisi, istanbul millet wekili ün'al chewikköz bilen istanbul millet wekili mansur qilich xitay kommunist partiyesi merkizi komitéti tashqiy ishlar yardemchi ministiri ju ruy bilen sin söhbet yighini arqiliq körüshken.

Xitay kommunist partiyesining 100-yilliqi, türkiyening xitay bilen ornatqan diplomatik munasiwitining 50-yilliqi munasiwiti bilen ötküzülgen yighinda ikki terep munasiwitining tarixiy tereqqiyati we ortaqliqi tilgha ilin'ghan.

Yighinda ikki partiye otturisida yuqiri derijilik xadimlarning uchrishishining muhimliqi tekitlen'gen bolup, jumhuriyet xelq partiyesi yéqinda ötküzülidighan xitay kommunist partiyesining 100-yilliqigha hemkarliq teklipi ewetidighanliqini éytqan.

Xitay elchixanisi jumhuriyet xelq partiyesidin bashqa yene weten partiyesi bilenmu bir sin yighin ötküzgen bolup, mezkur yighin'gha qatnashqan xitay diplomatliri Uyghur mesilisi heqqide toxtalghan.

Xitay kommunist partiyesining 100 yilliqi we xitay-türkiye diplomatik munasiwitining 50 yilliqi munasiwiti bilen ötküzülgen tor yighinigha xitayning türkiyediki elchixanisining medeniyet elchisi shi ruylin, xitay elchixanisining yash diplomatliri we weten partiyesining yashlar guruppisi qatnashqan.

Yighinda "Xitayda 'kerkeren kürdistan partiyesi' (PKK) ge qarshi we türkiyede Uyghur tehditige qarshi bixeterlik ingi shekillendürüsh üchün némilerni qilish kérek?" dégen so'algha xitay elchixanisining medeniyet elchisi shi ruylin mundaq jawap bergen: "Xitay we türkiyede milliy musteqilliqimizni qoghdash bizning eng muhim wezipimiz we asasiy siyasitimiz. Bezi teshkilatlarning türkiyede xitaygha qarshi pa'aliyet körsitishige biz qarshi. Biz türkiye jumhuriyiti bilen hemkarlishishni ömid qilimiz."

Xitay ishliri mutexessisi muhemmet atawulla ependi ziyaritimizni qubul qilip, xitay diplomatik organliri pa'aliyetlirining birdinla janlinishini, xelq'ara weziyettiki xitaygha qarshi keypiyatning éshishi we gheribning xitaygha qarshi ittipaqliqining küchiyishi bilen munasiwetlik bolushi mumkinlikini éytti.

Uningdin bashqa yene 22-iyun küni xitayning türkiyediki bash elchisi lyu shyawbin istanbul waliysi ali yerlikaya bilen körüshken. Söhbetning mezmuni heqqide axbaratqa uchur birilmigen bolsimu, küzetküchiler mezkur uchrishishining xitayning istanbuldiki konsulxanisi aldida dawamlishiwatqan "Millet nöwette" pa'aliyiti bilen munasiwetlik bolush ihtimalliqini ilgiri sürmekte.

Shiwitsiyediki Uyghur ziyaliysi nijat turghun ependi ziyaritimizni qubul qilip, xitay elchixanilirining tetür teshwiqatlirini meyli türkiyede meyli yawrupa itipaqida bolsun, kücheytishke tirishiwatqanliqini, bezi yerlik tillardiki gézit-zhornallarni pul arqiliq sétiwilip. Özlirining teshwiqatlirini qilishqa siliwatqanliqini, bu xil ehwallargha qarshi Uyghur teshkilatlirining téximu aktip bolushi kéreklikini iytti.

"Millet nöwette" herikitining bashlamchilliridin jewlan shirmemet ependim ziyaritimizni qubul qilip türkiyediki pa'aliyetchiler we teshkilatlarning xitayning bu xil pa'aliyetlirige taqabil turushi kireklikini we yingi istiratégiyeler tüzüp chiqishining zörürlikini éytti.

Xitay hökümiti iqtisadiy we siyasiy nopuzidin paydilinip türkiyening Uyghur mesiliside süküt qilishini qolgha keltürüsh üchün qattiq tirishiwatqan bolup, közetküchiler türkiyening ottura sherq we ottura asiyadiki tesiri seweplik xitayning hem eng ensireydighan hem eng köp munasiwet qurushqa intilidighan dölet ikenlikini éytip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet