Twittér xitay elchixanisining Uyghur ayalliri heqqidiki bir uchurini öchürüwetti

Muxbirimiz jüme
2021-01-10
Share
Twittér xitay elchixanisining Uyghur ayalliri heqqidiki bir uchurini öchürüwetti Twittér shirkiti öchürüp tashlighan xitay elchixanisining özining lagér siyasitini aqlap "Uyghur ayalliri emdi bala tughush mashinisi emes" dégen mezmunda élan qilghan uchuri. 2020-Yili yanwar.
Social Media

Twittér shirkiti shenbe küni xitay elchixanisining "Uyghur ayalliri emdi bala tughush mashinisi emes" dégen mezmundiki bir uchurini öchürüwetkenlikini élan qildi.

Xitayning amérikida turushluq bash elchixanisi jüme küni özining lagér siyasitini aqlap: "Tetqiqatlar shuni ispatlidiki, ashqunluqni yoqitish jeryanida, shinjangdiki Uyghur ayallirining idiyesi azad qilindi, jinsiy barawerlik we köpiyish saghlamliq éngi ilgiri sürüldi. Ular emdi bala tughush mashinisi bolush qismitige xatime berdi. Ularning hazir özige ishinish we musteqilliq tuyghusi ashti." dégen mezmunlarni öz ichige algha bir parche twittér uchuri tarqatqan.

Ijtima'iy taratqu we bashqa axbarat wasitiliride xitay elchixanisining mezkur uchurining haqaret xaraktérige ige ikenliki körsitilgen we keng kölemde eyibleshke uchrighan hemde bu uchurning twittér shirkitining "Insansizlashturush" prinsipigha muxalip kélidighanliqini körsitilip, uni tosuwétish telep qilin'ghan.

Deslepte twittér shirkiti bu uchurda bir xataliq yoqluqini bildürüp, uni éliwétishni ret qilghan bolsimu shenbe küni qararini özgertkenlikini jakarlidi.

Twittér bayanatchisi ars téxnika xewer tor békitige mundaq dédi: "Yenimu ilgiriligen halda tekshürgendin kéyin, biz bu uchurning shirkitimizning insansizlashturush qa'idisige xilapliq qilghanliqini békitip, shuninggha munasip heriket qollanduq. Biz topluq yaki ademlerning ularning dini, irqi, milliti we yaki bashqa katégoriyege asasen insansizlashturushigha yol qoymaymiz."

Twittér shirkitining bu qarari Uyghur mesilisige köngül bölgüchilerning alqishigha érishti.

Bir qisim kishiler bu heqte qayturghan inkaslirida bu uchur éliwétilgen bolsimu, xitay kompartiyesining bashqa hésabatlirining yenila ochuq turghanliqidin epsuslan'ghanliqni bildürüshti.

Twittér ötken yili iyunda xitay kompartiyesige munasiwetlik 23 ming teshwiqat hésabatini toxtitip qoyghanliqni bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet