Yaponiyening yuniklo shirkiti öz mehsulatlirining Uyghur élidiki mejburiy emgek bilen ishlenmigenlikige kapaletlik qilinidighanliqini bildürgen

Yaponiyening dangliq kiyim-kéchek shirkiti yuniklo (Uniqlo) ning xojayini shirketning paxta teminlesh zenjirini közitip kéliwatqanliqini, shirket ishlep chiqarghan kiyim-kécheklerning héchqaysisining Uyghur élidiki mejburiy emgek bilen ishlenmigenlikige kapaletlik qilidighanliqini éytqan.

Yuniklo shirkiti yaponiyediki "Tiz parche sétish" namliq soda guruhining qarmiqida bolup, soda guruhining bash ijra'iye emeldari tadashi yana'i jüme küni bu heqte toxtilip: "Eger shundaq mesile bayqalsa xam eshya teminligüchiliri bilen soda qilishni derhal toxtitimiz," dégen.

Amérika hökümiti xitayning Uyghurlargha qaratqan irqiy qirghinchiliq qilmishliri seweblik Uyghur rayonidin kelgen paxta we paxta mehsulatlirigha émbargo qoyghan. Uningda herqandaq bir "Mehsulat pütünley, yaki qismen halda shinjang paxtiliridin ishlen'gen bolsa" uning cheklinidighanliqi bildürülgen.

Shuningdin kéyin dunyagha dangliq shirketlerdin IKEA Uyghur rayoni paxtiliridin ishlinip amérikigha import qilinidighan mehsulatlirini amérikigha toshushni toxtatqanliqini bildürgen.

H&M Uyghur élidiki mal teminligüchiliridin paxta mehsulatlirini sétiwélishni toxtatqan, nayké shirkiti bolsa özi zawutlirining Uyghur élidin keltürülgen paxta yiplarni ishletmeydighanliqigha kapaletlik qilidighanliqini éytqan idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar