Istanbulda herqaysiy teshkilatlar wekilliri jem bolup, nöwettiki Uyghur weziyiti heqqide muzakire élip bardi

Ixtiyariy muxbirimiz arslan
2021-06-21
Share
Istanbulda herqaysiy teshkilatlar wekilliri jem bolup, nöwettiki Uyghur weziyiti heqqide muzakire élip bardi Enqerediki Uyghur tetqiqat institutining re'isi doktor erkin ekrem söz qilmaqta. 2021-Yili 19-iyun, türkiye.
RFA/Arslan

19‏-Iyun shenbe küni merkizi istanbulgha jaylashqan dunya Uyghur qurultiyi wexpi bilen Uyghur herikiti teshkilatining birlikte uyushturushi bilen türkiyediki bir qisim sherqiy türkistan teshkilatliri rehberliri, aqsaqallar we yashlar istanbuldiki bir méhmanxanining yighin zalida jem boldi, shundaqla Uyghur mesilisi toghrisida muzakire élip bardi.

Yighin istiqlal marshini oqush bilen bashlandi. Yighinda aldi bilen dunya Uyghur qurultéyi wexpining re'isi abdulhemid abduréshit we Uyghur herikiti teshkilatining mes'ulliridin ablikim idrés ependiler söz qildi.

Yighinda yene dunya Uyghur qurultiyining re'isi dolqun eysa ependi widéyo arqiliq qatniship, Uyghurlarning nöwettiki weziyiti we en'giliyede échilghan "Uyghur sot kollégiyesi" toghrisida toxtaldi.

Dolqun eysa ependi putün dunyadiki Uyghurlarni we herqaysiy teshkilatlarni ishta birlik we pikirde birlik bolushqa chaqridi.

Andin Uyghur akadémiyesining yéngidin saylan'ghan re'isi doktur perhat qurban tengritaghli qatarliq bir qanche teshkilatlarning mes'ulliri we pa'aliyetchiler söz qildi.

Merkizi istanbulgha jaylashqan d u q wexpi bilen Uyghur herikiti teshkilatining birlikte uyushturushi bilen élip bérilghan yighin'gha d u q re'isi dolqun eysa ependi sin arqiliq qatnashti. 2021-Yili 19-iyun, türkiye.

Sherqiy türkistan ölimalar birlikining re'is wekili mexmutjan damollam söz qilip, Uyghurlar mesilisi boyiche élip bérilidighan xizmet-pa'aliyetlerde teshkilatlar ara hemkarliqta bolushning muhim ehmiyetke ige ikenlikini tekitldi.

Yighinda yene sherqiy türkistan teshkilatlar birlikining wekili we enqerediki Uyghur tetqiqat inistitutining re'isi doktur erkin ekrem söz qildi.

U sözide Uyghurlarning nöwettiki weziyiti toghrisida toxtaldi we Uyghurlar mesilisining xelq'aralashqanliqini tekitlesh bilen birge nöwette qilishqa tégishlik muhim xizmetlerni tilgha élip ötti.

Doktur erkin ekrem sözide yene Uyghurlarning milliy kimlikini qoghdap qélish üchün xizmet ishlesh kéreklikini, sherqiy türkistan rayonini xelq'ara küchlerning himaysi astigha élishi üchün tirishchanliq körstish kéreklikini tekitlidi.

Doktur erkin ekrem sözide yene londonda échilghan "Uyghur sot kollégiyesi" de otturigha qoyulghan delil-ispatlarni pütkül dunyagha keng tarqitish kéreklikini, xitayning irqiy qirghinchliq élip bériwatqan dölet ikenlkini delil-ispatlar bilen körsitip béreleyidighan bir weziyetni shekillendürüsh zörürlikini, buning üchün heqte bir qanchilighan kitablar ning yézilishi kéreklikini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet