Gheyret kenji ishligen "Uyghur édit" ning yéngilan'ghan neshri torgha qoyuldi

Muxbirimiz méhriban
2021-02-19
Share
Gheyret kenji ishligen Gheyret toxti kenji ependi.
Photo: RFA

Kompyotér mutexesisi gheyret kenji teripidin 2003-yili neshr qilinip heqsiz tarqitilghan "Uyghur édit" yumtali Uyghur kompiyotér meshghulati hem yéziqchiqida omumlashqan shundaqla qollinish asan bolghan köp iqtidarliq yumshaq détaldur.

10 Nechche yildin buyan yaponiyede yashawatqan kompyotér mutexessisi gheyret kenji ependi, yéqinda féysbuk qatarliq ijtima'iy taratqularda "Uyghur édit" yumtalining 2021-yili 2-ayda yéngidin neshr qilin'ghan nusxisining gogulda heqsiz tarqitilghanliqini élan qildi.

Radiyomizning mexsus ziyaritini qobul qilghan gheyret kenji ependi "Uyghur édit" yumtalining Uyghur kompyotér yéziqchiliqidiki boshluqni toldurush üchün mexsus Windows sistémisigha maslashturup lahiyilen'gen yumshaq détal ikenlikini bildürdi.

Melum bolushiche, "Uyghur édit" qolliniliwatqan 20 yilgha yéqin jeryanda, bu yumshaq détalning iqtidari gheyret kenji teripidin köp qétim yéngilan'ghan hem toluqlan'ghan.

Gheyret kenjining bildürüshiche, "Uyghur édit" ning 2021-yili 2-aydiki yéngi nusxisigha aptomatik imla tekshürüsh, yéziq almashturush (Uyghur kona yéziqi, Uyghur latin yéziqi we Uyghur kril yéziqini bir-birige aptomatik özgertish), aptomatik yéziq almashturghanda herplerning chong-kichik özgirishi, qur özgirishi qatarliqlarni aptomatik tamamlash iqtidarliri qoshulghan.

Gheyret kenji ependining bildürüshiche, "Uyghur édit" ning 2021-yildiki eng yéngi neshr nusxisimu torda heqsiz tarqitilghan bolup, uni goguldin biwaste chüshürüp qollinishqa bolidiken.

Yoqiriqi awaz ulinishidin mezkur söhbetning tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet