Uyghur herikiti teshkilati ispaniye we firansiyede Uyghurlar heqqide bir qatar pa'aliyetler élip barghan

Ixtiyariy muxbirimiz erkin tarim
2022.03.24
Share on WhatsApp
Share on WhatsApp
Uyghur herikiti teshkilati ispaniye we firansiyede Uyghurlar heqqide bir qatar pa'aliyetler élip barghan Uyghur herikiti teshkilatning re'isi roshen abbas xanim we Uyghur tetqiqat merkizining mudiri abdulhékim idris ependi ispaniyediki amérika elchixanisida. 2022-Yili mart, madrid, ispaniye.
RFA/Erkiin Tarim

Uyghur herikiti teshkilatning re'isi roshen abbas, Uyghur tetqiqat merkizining mudiri abdulhékim idris ikkiylen ispaniyening paytexti madrid shehiri bilen firansiyening paytexti parizh shehiride bir qatar pa'aliyetler élip barghan.

3-Ayning 17-künidin 23-künigiche ispaniyening paytexti madrid shehiri bilen firansiyening paytexti parizh shehiride arqa-arqidin pa'aliyet ötküzüp Uyghurlarning hazirqi éghir weziyiti, dunyadiki her qaysi döletlerning Uyghur mesilisige bolghan pozitsiyesi we alghan tedbirliri toghrisida melumat bergen.

Washin'gtondiki Uyghur tetqiqat merkizining mudiri abdulhékim idris ependi aldi bilen ispaniyening madrid shehiride Uyghurlar heqqide köp pa'aliyet bolup baqmighan dölet ikenlikini, shunga bu qétim madriddiki eng chong meschitte, arqidin kishilik hoquq teshkilatliri bilen élip barghan yighinlarda Uyghurlarning éghir weziyitini anglatqandin sirt bundin kéyin ispaniyede némilerni qilish toghrisidimu muzakire élip bérilghanliqini otturigha qoydi.

Uyghur herikiti teshkilatning re'isi roshen abbas xanim we Uyghur tetqiqat merkizining mudiri abdulhékim idris ependi madriddiki ato'um uniwérsitétida. 2022-Yili mart, ispaniye.
Uyghur herikiti teshkilatning re'isi roshen abbas xanim we Uyghur tetqiqat merkizining mudiri abdulhékim idris ependi madriddiki ato'um uniwérsitétida. 2022-Yili mart, ispaniye.
RFA/Erkiin Tarim

Abdulhékim idris ependi ispaniyediki amérika elchixanisining orunlashturushi bilen 21-mart küni madriddiki ato'um uniwérsitétida doklat bergenlikini, bu uniwérsitétida oquwatqan chet'ellik oqughuchilarningmu nahayiti köp ikenlikini, ularning sherqiy türkistan mesilisi qiziqip anglighanliqini bayan qildi.

Abdulhékim idris ependi 23-mart küni firansiyening paytexti parizh shehiride yawropa Uyghur tetqiqat instituti bilen ortaq pa'aliyet élip barghanliqini, yaxshi ötkenlikini bayan qildi.

Roshen abbas xanim gollandiye we bélgiyediki pa'aliyetlirini axirlashturghandin kéyin 17-mart künidin 23-mart künigiche ispaniye bilen firansiyede pa'aliyet élip barghanliqini, amérika elchixanisining yardem qilishi bilen ötken aydin hazirghiche türkiye, chéxiye, gollandiye we bélgiye qatarliq on'gha yéqin dölette pa'aliyet élip barghanliqini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.