"уйғурларниң нөвәттики иқтисадий қийинчилиқлири вә һәл қилиш йоллири" дегән темида йиғин ечилди

Ихтиярий мухбиримиз арслан
2020-07-21
Share
uyghur-akademiye-2016-yighin-3.jpg Уйғур тарихи тәтқиқатлири илмий муһакимә йиғинидин көрүнүш. 2016-Йили 9-өктәбир, истанбул.
RFA/Arslan

Мәркизи истанбулға җайлашқан уйғур академийисиниң уюштуруши билән 19-июл йәкшәнбә күни, "уйғуррланиң нөвәттики иқтисадий қийинчилиқлири вә һәл қилиш йоллири" дегән темида телекамералиқ йиғин ечилди.

Йиғинға доктор мәғпирәт камал ханим риясәтчилик қилди. Йиғинда вә уйғур академийәси даимий һәйәт әзаси шундақла сабаһиддин заим университетиниң оқутқучиси иқтисадшунас доктор бурһан улуғйол әпәнди сөз қилип, иқтисад билән малийәниң охшашмайдиған пәрқи вә тиҗарәт билән мәбләғ селишниң пәрқий өсүм билән өсүмсиз мәбләғ селишниң пәрқи, дегән мәзмунда тохталғандин сирт йәнә уйғурлар нөвәттә дуч келиватқан иқтисадий қийинчилиқлар вә һәл қилиш йоллири тоғрисидиму өз қарашлирини оттуриға қойди.

Уйғурлар немә сәвәбтин иқтисадий қийинчилиққа дуч келиватиду? қандақ қилғанда бу қийинчилиқларни һәл қилалайду? бу соалларниң җавабиға еришиш үчүн биз иқтисад шунас доктор бурһан улуғйол әпәнди билән сөһбәт елип бардуқ.

Доктор бурһан әпәнди уйғурларниң сода-санаәт саһәсидә игилик тикләш үчүн мәбләғ селишниң әң муһим усуллирини баян қилди.

Доктор бурһан әпәнди лексийәсиниң давамида йәнә уйғурларниң җазаниға кирип қалмайдиған өсүмсиз пай чекиләргә сәрмайә селишни тәвсийә қилди.

Доктор бурһан әпәнди, уйғурларниң нөвәттә иқтисадий қийинчилиққа учришида икки түрлүк сәвәб барлиқини билдүрүп, буниң бириниң хитайниң чәтәлләрдики уйғурлар билән уйғур дияридики уйғурларниң алақә-мунасивәтлирини кисивәткәнлики, йәнә бириниң вухәндә оттуриға чиқип дуняға тарқилип кәткән корона вируси сәвәбидин хәлқара сода-тиҗарәтләрниң тохтап кәткәнлики, әнә шу сәвәбләрдин уйғурларниң кирим мәнбәлириңму зәрбигә учриғанлиқини тәкитлиди.

У йәнә қошумчә қилип: "булардин башқа йәнә өзимизниң муқим бир иқтисадий киримимиз болмиғанлиқиму иқтисадий қийинчилиқларға учрашқа сәвәб болиду", деди.

Биз бу йиғин тоғрисида пикир-қарашлирини елиш үчүн уйғур академийисиниң иҗраийә рәиси абдулһәмит қарахан әпәнди билән сөһбәт елип бардуқ. Абдулһәмит қарахан әпәнди бу йиғинниң әһмийити вә бу йиғинни уюштуруштики ғайә-нишанлири тоғрисида тохталди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт