Америка ташиқи ишлар министири антонй блинкен: "уйғурларға қарши ирқий қирғинчилиқ елип бериливатиду"

Мухбиримиз мәмәтҗан җүмә
2021-01-27
Share
Америка ташиқи ишлар министири антонй блинкен: Америка ташиқи ишлар министири антонй блинкен
Photo: RFA

Американиң бу нөвәтлик ташқий ишлар министири антонй блинкен вәзипигә тәйинлинип тунҗи өткүзүлгән ахбарат елан қилиш йиғинда, хитайниң уйғурлар устидин ирқий қирғинчлиқ елип бериватқанлиқини қайта тәкитлиди.

У 27-январ күни мухбирларниң трамп һөкүмитиниң уйғурлар устидин чиқарған ирқий қирғинчилиқ қарари һәққидики соаллириға җаваб берип мундақ деди: "мениң ‹уйғурларға қарши ирқий қирғинчилиқ елип бериливатиду' дегән һөкүмүм йәнила әслидикидәк. Униңда өзгириш болғини йоқ."

Американиң сабиқ ташқий ишлар министири майк помпейо 19-январ баянат елан қилип, хитайниң уйғурларға қарши "ирқий қирғинчилиқ" вә "инсанийәткә қарши җинайәт" садир қиливатқанлиқини җакарлиған иди.

Антони билинкенму америка кеңәш палатасида өткүзүлгән вәзипигә олтуруш алдидики гуваһлиқ бериш йиғинида, трамп һөкүмитиниң хитайға қаратқан сияситини қоллайдиғанлиқини билдүргән вә "хитай һазир шинҗаңда қирғинчилиқ қиливатиду," дегән иди.

Униң вәзипигә рәсмий олтуруп тунҗи күни өткүзүлгән ахбарат елан қилиш йиғинида йәнә бу нуқтини тәкитлиши алаһидә диққәт қозғиди.   

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт