Ғәрбтики 4 дөләтниң уйғурлар һәққидә чиқарған "ирқий қирғинчилиқ" қарарлириниң тәсири қанчилик болиду?

Мухбиримиз нуриман
2021-04-23
Share
Ғәрбтики 4 дөләтниң уйғурлар һәққидә чиқарған Хитайниң уйғур вә башқа түркий милләтләргә қаратқан бастурушлирини "ирқий қирғинчилиқ" дәп тонуған төт дөләт символ қилинип сизилған рәсим.
Yettesu

Хитайниң 2016-йилидин башланған милйонлиған уйғурни лагерларға қамаш, хорлаш, системилиқ қийин-қистақ вә басқунчилиқ қилиш, мәҗбурий әмгәккә селиш, аилилирини парчилаш, аяллирини туғмас қилип, нупусиниң көпийишини контрол қилиш, уйғурларниң мәдәнйити, тили, өрп-адәтлири вә диний етиқадини вәйран қилиш қатарлиқ иғир бастурушлири 22-април әнглийә парламенти тәрипидин "ирқий қирғинчилиқ" дәп елан қилинди.

Әнгилийә парламенти америка һөкүмити, канада парламенти вә голландийә парламенитидин кейин хитайниң уйғур вә башқа түркий милләтләргә қаратқан бастурушлирини "ирқий қирғинчилиқ" дәп тонуған төтинчи дөләт аппарати һесаблиниду.

Америка ташқий ишлар министирлиқи бу йил 19-январ хитай һөкүмитиниң уйғур районидики уйғурларни асас қилған йәрлик мусулман милләтләргә қаратқан кәң көләмлик бастурушини "ирқий қирғинчилиқ" вә "инсанийәткә қарши җинайәт" дәп бекиткәнликини җакарлиған иди.

Америкадин кейин 22-феврал канада парламентниң авам палатаси сунған хитайниң уйғурларға қаратқан зулумлирини "ирқий қирғинчилиқ" дәп етирап қилиш тоғрисидики тәклип лайиһәси мутләқ көп санлиқ аваз билән мақулланған иди. Буниң билән канада парламенти дуняда хитайниң уйғурларға қаратқан зулумлирини "ирқий қирғинчилиқ" дәп елан қилған тунҗи парламент, шуниңдәк хитайниң бу һәркитини америкадин кейин рәсми "ирқий қирғичилиқ" дәп тонуған иккинчи бир ғәрб дөләт аппарати болуп қалған иди.

Арқидин голландийә парламенти 25-феврал хитайниң уйғурларға йүргүзүп келиватқан қәбиһ қилмишлирини "ирқий қирғинчилиқ" дәп атиған болуп, хитайниң җинайитини "ирқий қирғинчилиқ" дәп бекиткән явропадики тунҗи парламент болған иди.

Биз ғәрбтики күчлүк дөләтләрниң хитайниң уйғурларға йүргүзүватқан зулумни "ирқий қирғинчилиқ" дәп итирап қилиши вә бу қарарниң иҗра қилиниши үчүн бесилидиған қәдәмләр һәққидә дуня уйғур қурултийи лондон ишханисиниң мудири рәһимә мәһмут ханим вә голландийәдә турушлуқ вәзийәт анализчиси асийә уйғур ханим билән сөһбәт елип бардуқ. Тәпсилатини йоқириқи аваз улинишидин аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт