Әнқәрәдә «2-нөвәтлик сиясәт вә истратегийә курси» ечилди

Ихтиярий мухбиримиз әркин тарим
2019-07-18
Елхәт
Пикир
Share
Принт
«2-Нөвәтлик сиясәт вә истратегийә курси» да истратегийә мутәхәссиси доктор әркин әкрәм әпәнди сөзлимәктә. 2019-Йили июл, әнқәрә.
«2-Нөвәтлик сиясәт вә истратегийә курси» да истратегийә мутәхәссиси доктор әркин әкрәм әпәнди сөзлимәктә. 2019-Йили июл, әнқәрә.
RFA/Erkin Tarim

Түркийәниң пайтәхти әнқәрәдики уйғур тәтқиқат институти яш мутәхәссис уйғурларни йетиштүрүш мәқситидә «2-нөвәтлик сиясәт вә истратегийә курси» ачти. 7-Айниң 14-күнидин 21-күнигичә әнқәрәдики институтниң ишханисида өткүзүлидиған курсқа түркийәниң һәрқайси шәһәрлиридин кәлгән 25 уйғур яш иштирак қилмақта. Булар 20-35 яшлардики алий мәктәптә толуқ курс, докторлуқ вә магистирлиқ оқуватқан яшлар арисидин талланған.

Бир һәптә давамлашқан курста дәрсләрниң көпини уйғур тәтқиқат институти мудири, истратегийә мутәхәссиси доктор әркин әкрәм әпәнди өтмәктә. Униңдин сирт измирдики әгә университети профессори алимҗан инайәт, «миллий мәпкурә вә қиммәт қарашлар», канададики уйғур зиялийси руқийә турдуш ханим «милләт вә милләтчилик», әнқәрәдики һаҗи байрам университети тарих профессори доктор қонур алип әрҗиласун әпәнди «башқиларниң нәзиридә уйғурлар», журналист адилҗан әруйғур әпәнди болса ‹‹биз ким? уйғурму? шәрқий түркистанлиқму? биз өзимизни тонумдуқ? өзимизни қандақ баян қилишимиз керәк?» дегән темиларда дәрс бәрди. Булардин башқа америкидики уйғур адвокат нури түркәл әпәнди «скайп» арқилиқ «қанун вә хәлқара қанун», иқтисадшунас муһәммәтҗан буғра «иқтисад вә сода: йүксиливатқан хитайниң күчи», шиветсийәдики уйғур яш ниҗат турғун әпәнди «хәлқара мунасивәттә шәрқий түркистан» темилирида сөзлиди

«2-Нөвәтлик сиясәт вә истратегийә курси» ниң асасий дәрс бәргүчиси истратегийә мутәхәссиси доктор әркин әкрәм болуп, у, «дөләт вә сиясәт: хәлқләрниң игилик һоқуқи, дөләтләр вә хәлқара мунасивәт: ғәрбтин кәлгән һакимийәтләр ара мунасивәтләр, тарих вә истратегийә, истратегийәлик тәпәккур, хәлқара сәһнидики өзгиришләр» дегәнгә охшаш бир қатар темиларда дәрс бәрмәкчи.

Бир һәптә давамлишидиған курс қандақ өтүватиду? «2-нөвәтлик сиясәт вә истратегийә курси» ечиштики мәқсәт немә дегәнгә охшаш соалларға җаваб тепиш үчүн уйғур тәтқиқат институти мудири әркин әкрәм вә курсқа иштирак қиливатқан оқуғучилар билән сөһбәт елип бардуқ. Доктор әркин әкрәм әпәнди бу курста университетларда өгинәлмәйдиған уйғур дәваси үчүн пайдилиқ мәлуматларниң өгитиливатқанлиқини баян баян қилди.

Бу курсқа қатнишиватқан истанбулдики сабаһиттин заим университети тарих кәспи оқуғучиси мүйәссәр ели зияритимизни қобул қобул қилип, темиларниң наһайити яхши талланғанлиқини, өзлири үчүн пайдилиқ болуватқанлиқини баян қилди.

Истанбулдики қоч университети оқуғучиси муһаммәтимин бу курста пәқәт лексийәла аңлапла қалмастин, бәлки лексийә ахирида музакирә елип бериливатқанлиқини баян қилди.

Мәзкур курсниң 1-нөвәтлики 2018-йили 12-айниң 24-күнидин 30-күнигичә әнқәрәдә өткүзүлгәниди. Биринчи қетимлиқиға қатнашқан әнвәр әпәнди бу қетимлиқиғиму иштирак қилған. У иккинчи қетимлиқиға көп йеңи мәзмунларниң қошулғанлиқини, техиму көп йеңи мәлуматларни өгиниватқанлиқини баян қилди.

Әнвәр сәмәт әпәнди уйғур дәвасиға қизиқидиған, уйғур дәваси билән шуғуллишни пилан қиливатқан һәр бир уйғур яшниң «сиясәт вә истратегийә курси» ға қатнишиши керәкликини баян қилди.

Мүйәссәр ели ханим курсқа қатнашқандин кейин достлириға телефон қилип, уларниңму қатнишишини тәвсийә қилғанлиқини ейтти.

«Сиясәт вә истратегийә курси» әнқәрәдики уйғур институти ачқан иккинчи қетимлиқ курс болуп, бундин кейин һәр йили өткүзүлидикән. Курсқа миллий роһқа игә, инглиз тилини билидиған 20 яштин 35 яшқичә болған һәрқандақ уйғурниң илтимас қилалайдикән.

Пикирләр (0)
Share
Толуқ бәт