Firansiyede “Uyghur irqiy qirghinchiliqi” ni étirap qilish boyiche ikkinchi qétimliq guwahliq anglash yighini ötküzülgen

Ixtiyariy muxbirimiz Uyghur'ay
2022-01-18
Share
Firansiyede “Uyghur irqiy qirghinchiliqi” ni étirap qilish boyiche ikkinchi qétimliq guwahliq anglash yighini ötküzülgen Firansiye parlaméntida ötküzülgen “Ikkinchi qétimliq ‛irqiy qirghinchiliq‚ ni étirap qilish qarar layihesi” toghrisida guwahliq anglash we muxbirlarni kütüwélish yighinigha qatnashqan lagér shahitliri. 2022-Yili 17-yanwar.
RFA/Uyghur'ay

17-Yanwar küni yawropa Uyghur instituti bilen fransiye sotsiyal partiyesi birlikte fransiye parlaméntida “Ikkinchi qétimliq ‛irqiy qirghinchiliq‚ ni étirap qilish qarar layihesi” toghrisida guwahliq anglash we muxbirlarni kütüwélish yighini ötküzülgen.

Mezkur yighin'gha fransiyediki bir qisim parlamént ezaliri, muxbirlar hemde fransiyede turushluq lagér shahitliridin gülbahar jéliliwa bilen gülbahar xétiwaji, shundaqla gollandiyede turushluq lagér shahitliridin qelbinur sidiq bilen ömer bék'ali qatarliq köp sanda kishi qatnashqan.

Guwahliq anglash yighini nahayiti qizghin shekilde dawamlashqan bolup, lagér shahitliri özlirining xitay jaza lagérlirida körgen-bilgenlirini yighin ehlige anglitip, ularning küchlük diqqitini qozghighan. Muxbirlar bes-beste so'allar sorighan.

Firansiye parlaméntida ötküzülgen “Ikkinchi qétimliq ‛irqiy qirghinchiliq‚ ni étirap qilish qarar layihisi” toghrisida guwahliq anglash we muxbirlarni kütüwélish yighinidin körünüsh. 2022-Yili 17-yanwar.
Firansiye parlaméntida ötküzülgen “Ikkinchi qétimliq ‛irqiy qirghinchiliq‚ ni étirap qilish qarar layihisi” toghrisida guwahliq anglash we muxbirlarni kütüwélish yighinidin körünüsh. 2022-Yili 17-yanwar.

Yighin'gha yene firansiye axbarat agéntliqi, firansiye chiqidighan “Dunya géziti”, firansiye xelq'ara radiyosi qatarliq taratqularning muxbirliri qatnashqan. Uningdin bashqan yene nétfliks (NetFlix) filim qanili, firansiyediki Uyghurlarni qollash guruppisi we Uyghur mesilisi boyiche bir qisim mutexessisler tor arqiliq ishtirak qilghan.

Amérikadiki “Kommunizm qurbanliri fondi jem'iyiti” ning tetqiqatchisi adriyan zénz ependimu tor arqiliq bu yighin'gha qatniship, Uyghurlar heqqide doklat bergen.

Fransiye sotsiyal partiyesining re'isi oliwér fogh ependi “Uyghur irqiy qirghinchiliqini étrap qilish qarar layihesi” heqqide muxbirlargha chüshendürüsh bergen. Radiyoyimiz ziyaritini qobul qilghan firansiye Uyghur birlikidin sübhi yarmuhemmet ependi, tetqiqatchi adriyan zénzning bu yighinda Uyghurlar toghriliq bergen doklatining mezmunini tonushturup ötti.

Lagér shahiti qelbinur sidiq xanimmu ziyaritimizni qobul qilip, fransiye parlaméntida ötküzülgen bu qétimqi guwahliq anglash we muxbirlarni kütüwélish pa'aliyitining intayin ünümlük bolghanliqini bildürdi.

Firansiye parlaméntida ötküzülgen “Ikkinchi qétimliq ‛irqiy qirghinchiliq‚ ni étirap qilish qarar layihesi” toghrisida guwahliq anglash we muxbirlarni kütüwélish yighinigha qatnashqan lagér shahitliri doktor dilnur reyhan xanim bilen. 2022-Yili 17-yanwar.
Firansiye parlaméntida ötküzülgen “Ikkinchi qétimliq ‛irqiy qirghinchiliq‚ ni étirap qilish qarar layihesi” toghrisida guwahliq anglash we muxbirlarni kütüwélish yighinigha qatnashqan lagér shahitliri doktor dilnur reyhan xanim bilen. 2022-Yili 17-yanwar.

Igilishimizche, “Uyghur irqiy qirghinchiliqini étirap qilish qarar layihesi” 20-yanwar küni fransiye parlaméntida awazgha quyuldiken.

Melumki, hazirghiche amérika en'gliye, kanada, gollandiye, litwa,

Bélgiye qatarliq döletlerning parlaméntliri xitayning Uyghurlargha yürgüziwatqan basturushlirini “Irqiy qirghinchiliq” dep tonughan idi. Egerde fransiyemu mushundaq bir qararni chiqarsa, xelq'ar jem'iyette xitaygha bolghan bésim we qarshiliqlar yenimu küchiyidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet