Уйғур қирғинчилиқи америкадики һәр саһә кишилиригә тонуштурулмақта

Мухбиримиз әзиз
2021-11-05
Share
Уйғур қирғинчилиқи америкадики һәр саһә кишилиригә тонуштурулмақта Райис (Rice) университетида өткүзүлгән "хитайдики уйғур қирғинчилиқи" темисидики доклат бериш йиғинидин кейин хатирә сүрәт. 2021-Йили 4-ноябир, тексас, америка.
Photo: RFA

Өткән бирнәччә йилдин буян уйғур дияридики қирғинчилиққа даир түрлүк учурлар ғәрб дунясидики һәр саһә кишилиригә көпләп мәлум болғандин кейин, хитай һөкүмити хәлқарада дуч келиватқан бесимларму тәдриҗи һалда ешип беришқа башлиған иди.

Илим саһәсиниң, болупму "илим-пәнниң қудрити әң толуқ дәриҗидә намайән болған дөләт" дәп атиливатқан америка туприқидики алий мәктәп оқуғучилириниң бу мәсилә һәққидики чүшәнчисини ашурушму нөвәттә бу җәһәттики бир муһим хизмәт, дәп қариливатқанлиқи мәлум.

Райис (Rice) университетида өткүзүлгән
Райис (Rice) университетида өткүзүлгән "хитайдики уйғур қирғинчилиқи" темисидики доклат бериш йиғинидин көрүнүш. 2021-Йили 4-ноябир, тексас, америка.

4-Ноябир күни американиң тексас шитатидики хусусийлар игидарчилиқидики даңлиқ алий мәктәпләрниң бири болған райис (Rice) университетида өткүзүлгән "хитайдики уйғур қирғинчилиқи" темисидики доклат бериш йиғинини бу җәһәттики бир үлгә, дейиш мумкин.

Бу қетимқи йиғинниң уюштурушқа йеқиндин һәмдәм болғучиларниң бири райс университетиниң профессори крайг консдайн болуп, у бу йиғинниң алдида мухбирларға сөз қилип: "уйғур қирғинчилиқи нөвәттә пүткүл дуня җамаитигә зор тәсир көрситиватқан иҗтимаий һадисә һесаблиниду" дегән. Биз бу қетимқи йиғин һәққидә техиму тәпсилий мәлумат игиләш үчүн хюстон шәһридә уйғур қирғинчилиқи һәққидә икки мәйдан лексийә бәргән уйғур паалийәтчи, вашингтон шәһридики "уйғур һәркити" тәшкилатиниң рәиси рошән ‍аббас билән сөһбәтләштуқ.

Аваз улинишидин бу қетимқи сөһбәтниң тәпсилий әһвалини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт