Уйғур ләғмини дунядики әң риқабәтлик шәһәр-ню-йоркта марка яратмақта

Американиң әң чоң шәһири, шундақла дуняви чоң шәһәр ню-йоркта 50 миң әтрапида ашхана-ресторан бар. Ню-йорк шәһириниң ханиш райони (Queens County), бу шәһәрдики әң бай вә әң ават район һесаблиниду. Игилинишичә, мушу районниң өзидила чоң-кичик болуп 10 миңдәк ресторанниң барлиқи мәлум.

uyghurlagmanhouse.com

Ню-йоркниң мәзкур районида буниңдин 7 ай илгири ечилған “уйғур ләғмәнханиси” Uyghur Lagman House) ) нөвәттә кәң херидарларға тонулуп, шу райондики әң бесиқ ашханиларниң биригә айланмақта икән. Бу ашханиниң ләғмини дуняниң һәр қайси җайлиридин ню-йорк шәһиригә саяһәткә кәлгән саяһәтчиләр вә иҗтимаий таратқу чолпанлири тәрипидин чоқум тетип көрүш тәвсийә қилиниватқан даңлиқ таамға айланған. Айиғи үзүлмәй келиватқан херидарлар мәзкур ашханиниң хоҗайини варис аблимит билән биллә сүрәткә чүшүп, бу ашханиниң мезиллик таамлирини, болупму даңқи чиққан ләғминини махтап, иҗтимаий таратқуларда һәмбәһирлимәктә икән. Ундақта, дунядики әң риқабәтлик шәһәрдә вә әң риқабәтлик бу сода мәркизидә, уйғур ләғмининиң даңқини чиқириватқан “уйғур ләғмәнханиси” ниң сири зади нәдә?

Буниңға қизиқсиңиз, юқиридики аваз улинишидин мухбиримизниң мәзкур ашханиниң хоҗайини варис аблимит билән өткүзгән мәхсус сөһбитигә қулақ салғайсиз.