Қәлбинур сидиқ: "‹уйғур сот коллегийәси' дин үмидвармән!"

Ихтиярий мухбиримиз уйғурай
2021-09-10
Share
Қәлбинур сидиқ: Лагер шаһити қәлбинур сидиқ ханим (алдинқи рәт оңдин иккинчи) "уйғур сот коллигийәси" ниң иккинчи қетимлиқ гуваһлиқ аңлаш йиғинида уйғур паалийәтчиләр билән биргә. 2021-Йили 10-сентәбир. Лондон, әнглийә.
RFA/Uyghuray

Лагир шаһиди қәлбинур сидиқ ханим ‏ "уйғур сот коллигийәси" ниң иккинчи қетимлиқ гуваһлиқ аңлаш йиғиниға қатнишиш үчүн лондонға йетип барған. У бу қетимлиқ гуваһлиқ аңлаш йиғинида хитайниң уйғурларға қаратқан ирқий қирғинчилиқи вә башқа барлиқ җинайи қилмишлирини йәниму илгирилигән һалда паш қилиш ирадисигә кәлгән

"уйғур сот коллегийәсини" ниң 2-қетимлиқ гуваһлиқ аңлаш йиғини 10-сентәбирдин 13-сентәбиргичә давам қилидикән. Һазир голландийәдә яшаватқан қәлбинур сидиқ ханим тәклип бойичә бу қетимлиқ гуваһлиқ аңлаш йиғинида йәнә гуваһлиқ беридикән.

Мәзкур сотқа һәр қайси дөләтләрдин тәклип қилинған уйғур, қазақ шаһитлар вә башқа мутәхәссисләр бу қетимқи гуваһлиқ аңлаш йиғининиң мувәппәқийәтлик болуши үчүн толуқ тәйярлиқ билән лондонға йетип кәлгән.

Радийойимиз зияритини қобул қилған қәлбинур ханим алди билән алдинқи қетимлиқ "уйғур сот коллегийәси" гә қатнашқандин кейинки тәсиратлирини баян қилди. Шуниңдин кейин хитайниң өзигә вә аилисигә қилған бесим-тәһдитлири һәққидә тохталди. У хитайниң түрлүк йоллар билән өзи тоғрилиқ учур игиләшкә уруниватқанлиқини тилға алди.

Қәлбинур ханим йәнә бу қетимқи "уйғур сот коллегийәси" гуваһлиқ аңлаш йиғинида өзиниң сөзлимәкчи болған темиси тоғрилиқму мәлумат бәрди. У хитайниң өзигә қиливатқан бесим вә тәһдитлири алдида һәргизму бошишип қалмайдиғанлиқини билдүрди.

Бу қетимлиқ сот ахирлашқандин кейин хитай һөкүмитиниң уйғурларға йүргүзүлүватқан бастурушлирини "ирқий қирғинчилиқ" дәп қарар чиқириши да "уйғур сот коллегийәси" ниң бу қетимлиқ гуваһлиқ аңлаш йиғини һәл қилғуч рол ойнайдикән. Шуниң үчүн хитай һөкүмити бар күчи билән бу қетимлиқ гуваһлиқ аңлаш йиғиниға қарши турмақтикән.

"уйғур сот коллегийәси" ниң тунҗи қетимлиқ гуваһлиқ аңлаш йиғини бу йил 6-айниң 4-күнидин 7-күнигичә әнглийә пайтәхти лондонда өткүзүлгән болуп, хәлқарада күчлүк тәсир пәйда қилған иди. Муһаҗирәттики уйғурлар "уйғур сот коллегийәси" ниң иккинчи қетимлиқ гуваһлиқ аңлаш йиғининиң иҗабий бир нәтиҗә беридиғанлиқиға чоңқур ишәнмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт