Uchturpandiki bir oqutquchi qiyinchiliqi bar ikki oqughuchisigha yardem qilghanliqi üchün 14 yilliq késwétilgen

Muxbirimiz shöhret hoshur
2021-09-08
Share
toqquzaq-birinji-ottura-mektep.jpg Yataq binasi terbiyelesh merkizige aylandurulghan toqquzaq birinchi ottura mektep. 2017-Yili, séntebir.
RFA/Abduweli Ayup

Uyghur rayonda 2017 ‏-yilidin buyan dawam qiliwatqan zor tutqunda, qilghan xeyr-saxawet ishliri "Diniy esebiylikning ipadisi" dep qarilip késiwétilgenlerning sani az emes. Köpinche hallarda tijaretchiler bu qalpaq bilen "Terbiyelesh" ke élip kétilgen bolsa, uchturpanning imamlirim yézisidiki bashlan'ghuch mektep oqutquchisi kérem abduraxman qéyinchiliqi bar ikki oqughuchisigha iqtisadiy yardem qilghanliqi üchün 14 yilliq késiwétilgen. Déyilishiche, bu késimge uning mezkur ikki oqughuchisining téléfonidin "Chataq" chiqip qolgha élinishi türtke bolghan iken.

Uchturpanliq muhajirlardin biri ötken hepte radiyomizgha uchur yollap, uchturpanning imamlirim yézisidiki bashlan'ghuch mektep oqutquchisi kérem abduraxmanning qiyinchiliqi bar ikki oqughuchisigha yardem qilghanliqi üchün 14 yilliq késéiwétilgenlikini inkas qildi. Uchturpandiki edliye xadimliri bu heqte melumat bérishni ret qildi. Inkasta déyilishiche, mezkur ikki oqughuchi ata-anisi ajriship ketkendin kéyin, bashlan'ghuchning4 ‏-yilliqidila oqushni toxtatqan we qurulushlarda ishleshke mejbur bolghan. Bu ikki oqughuchisning ders netijilirining yaxshiliqidin xewiri bolghan kérem abduraxman, ularni öz yénidin pul chiqirip, ürümchi kespiy ottura mektipige boghaltirliq we ashpezlik kespi boyiche oqushqa yolgha salghan. Ular oqush püttürüshke 1 yil qalghan mezgilide, ilgiri ishletken téléfondin "Chataq" chiqip tutup kétilgen. Bu tutqun ularning oqutquchisi kérem abduraxmanningmu soraq üstilige kélishige sewep bolghan.

Xewer arxiplirimizni axturghinimizda, uchturpan imamliridimdin ürümchi kespiy ottura mektepke oqushqa barghan we tutup kétilgen ikki oqughuchining 16 yash we 17 yashliq abdulla abduréhim we abdukérim abduréhim ikenliki melum boldi. Shu chaghdiki éniqlashlirimizda delillinishiche, akisi abdulla abduréhim ders anglawatqan sinipidin, ukisi abdukérim abdulla bolsa praktika qiliwatqan ashxanidin tutup kétilgen. Ular "Terbiyelesh" te 2 yilche tutup turulup, yashliri 18din ashqanda 5 yilliqtin késiwétilgen.

Biz bu ikki oqughuchigha yardem qilghan oqutquchisi kérem abduraxmanning ehwalini éniqlash üchün uchturpan imamlirimdiki alaqidar kent saqchisidin melumat soriduq. Mezkur xadim yuqiriqi ikki oqughuchigha yardem qilghanliqi üchün tutulghan oqutquchining ismi kérem abduraxman ikenliki we tutulushtin iligiri12 ‏-kent bashlan'ghuch mektipide xizmet qilghanliqini delillidi. Kérem abduraxmanning 14 yilliq késilgenlikini tilgha alghan bu xadim, uning késilishige mezkur ikki oqughuchigha yardem qilghinidin bashqa yene ayali tereptiki tughqanlirining köpinchisi siyasiy tutqun bolushiningmu sewep bolghanliqini bayan qildi. U yene so'allirimizgha jawaben kérem abdraxmanning tekshürülüsh dawamida pilandin artuq bir perzenti seweblikmu "Diniy esebiylik" ke baghlan'ghanliq éhtimalliqini ilgiri sürdi.

Yuqurida uchturpan imamlirimda bir bashlan'ghuch mektep oqutquchisining ikki oqughuchisgha yardem qilghanliqi üchün 14 yilliq késiwétilgenliki heqqide anglitish berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet