"1 - Өктәбир шәрқий түркистан хәлқиниң азаплиқ тарихиниң башланған күни"


2007-10-01
Share

Дуня уйғур қурултийи 1‏- өктәбир хитай дөләт байрими вә уйғур аптоном райони қурулғанлиқи мунасивити билән баянат елан қилип, 1‏- өктәбир күнини, уйғур хәлқиниң матәм күни һәмдә шәрқий түркистан хәлқиниң азаплиқ тарихиниң башланған күни дәп, көрсәтти.

Дуня уйғур қурултийиниң баянатчиси дилшат ришит 1‏- өктәбир хитай дөлити қурулғанлиқиниң 58 йиллиқи һәмдә вә уйғур аптоном райони қурулғанлиқиниң 52 йиллиқи мунасивити билән елан қилған баянатида "хитайдики диктатор һакимийәт 58 йилдин бери шәрқий түркистан хәлқиниң әркинлик вә демократийигә болған интилишини бастуруп кәлмәктә" деди.

Шәрқий түркистан хәлқиниң мустәмликичиликни қобул қилмиғанлиқини тәкитлигән дилшат ришит, " хәлқимиз иссиқ қанлири бәдилигә әркинлик вә демократийә үчүн елип барған күришини өзлүксиз давамлаштурмақта " дәп көрсәтти.

Баянатида, шәрқий түркистан хәлқиниң 58‏ йилидин бери хитай һакимийитигә қарши елип бериватқан миллий мустәқиллиқ күришидә, йүзмиңлиған қиз ‏- оғуллирини қурбан бәргәнликини тәкитлигән дилшат ришит, "хитай коммунист армийисиниң шәрқий түркистанни ишғал қилиши вә " хитай хәлқ җумһурийити" ниң қурулуши, шәрқий түркистан хәлқиниң мустәмликә тарихидики әң күлпәтлик күнләрниң башлиниши болди. Мушу сәвәбтин, дуня уйғур қурултийи, хитай һөкүмити " дөләт байрими" дәп тәнтәнә қиливатқан бу күнни, шәрқий түркистан хәлқиниң матәм күни дәп җакарлиди" деди. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт