"1 - Öktebir sherqiy türkistan xelqining azapliq tarixining bashlan'ghan küni"


2007-10-01
Share

Dunya Uyghur qurultiyi 1‏- öktebir xitay dölet bayrimi we Uyghur aptonom rayoni qurulghanliqi munasiwiti bilen bayanat élan qilip, 1‏- öktebir künini, Uyghur xelqining matem küni hemde sherqiy türkistan xelqining azapliq tarixining bashlan'ghan küni dep, körsetti.

Dunya Uyghur qurultiyining bayanatchisi dilshat rishit 1‏- öktebir xitay döliti qurulghanliqining 58 yilliqi hemde we Uyghur aptonom rayoni qurulghanliqining 52 yilliqi munasiwiti bilen élan qilghan bayanatida "xitaydiki diktator hakimiyet 58 yildin béri sherqiy türkistan xelqining erkinlik we démokratiyige bolghan intilishini basturup kelmekte" dédi.

Sherqiy türkistan xelqining mustemlikichilikni qobul qilmighanliqini tekitligen dilshat rishit, " xelqimiz issiq qanliri bedilige erkinlik we démokratiye üchün élip barghan kürishini özlüksiz dawamlashturmaqta " dep körsetti.

Bayanatida, sherqiy türkistan xelqining 58‏ yilidin béri xitay hakimiyitige qarshi élip bériwatqan milliy musteqilliq kürishide, yüzminglighan qiz ‏- oghullirini qurban bergenlikini tekitligen dilshat rishit, "xitay kommunist armiyisining sherqiy türkistanni ishghal qilishi we " xitay xelq jumhuriyiti" ning qurulushi, sherqiy türkistan xelqining mustemlike tarixidiki eng külpetlik künlerning bashlinishi boldi. Mushu sewebtin, dunya Uyghur qurultiyi, xitay hökümiti " dölet bayrimi" dep tentene qiliwatqan bu künni, sherqiy türkistan xelqining matem küni dep jakarlidi" dédi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet