قەشقەر 25- دېكابىر ۋەقەسىدە قولغا چۈشكەن ئۇيغۇرلاردىن بىر قىسىمى ئۆلۈمگە ھۆكۈم قىلىندى


2007-11-09
Share

8 - نويابىر قەشقەر ۋىلايەتلىك ئوتتۇرا سوت مەھكىمىسى سوت ئېچىپ، خىتاي دائىرىلىرى "25- دېكابىر دۆلەت بىخەتەرلىكىگە زىيان سېلىش دېلوسى"دا قولغا چۈشكەن ئۇيغۇرلاردىن ئابدۇ ۋەلى ئىمىن قارارلىق 6 نەپەر ئۇيغۇرغا " دۆلەتنى پارچىلاش"، " تېررورلۇق تەشكىلات تەشكىللەش ۋە رەھبەرلىك قىلىش"، " قانۇنسىز بومبا ياساش" جىنايەتلىرىنى ئارتىپ ئايرىم- ئايرىم ھالدا ئۆلۇم ۋە مۇددەتسىز قاماق جازالىرىنى بەرگەن.

شىنخۇا ئاگېنتلىقىدا بۇ ھەقتە بېرىلگەن خەۋەردە: " ئابدۇۋەلى ئىمىن قاتارلىق 6 نەپەر ئەيىبكار، دۆلەتنى پارچىلاش مەقسىتىگە يېتىش ئۈچۈن، 2005- يىلى 8- ئايدىن 2007- يىلى 1 ‏- ئايغىچە، دىنىي پائالىيەتلەر بىلەن ئاكتىپ شۇغۇللانغان ھەمدە غازات تەرغىباتى ئېلىپ بارغان ۋە تېررورلۇق مەشىق بازىسى قۇرۇپ ئىسلام خەلىپە دۆلىتى قۇرۇش ئۈچۈن تەييارلىق قىلغان" دەپ كۆرسىتىلگەن.

مەزكۇر خەۋەردە بىلدۈرۈشىچە، جازاغا تارتىلغان بۇ 6 نەپەر ئۇيغۇر، "شەرقىي تۈركىستان ئىسلام پارتىيىسىنى تەشكىللىگەن ۋە خىتاي ئارمىيىسى ئېلىپ بارغان ئىككى قېتىملىق ئاختۇرۇپ تۇتۇش مانېۋىرىغا قارشىلىق كۆرسەتكەن ھەمدە خەۋەرلىشىش ئۈسكۈنلىرىگە بۇزغۇنچىلىق قىلىش، ئاپتوبۇس پارتلىتىش، كوسراپ يېزىسىنى ئىگىلەپ مۇستەقىللىق ئېلان قىلىش قەستىدە بولغان ئىكەن.

بۇ نۆۋەت خىتايدا جازاغا تارتىلغانلار ئىچىدە، ئابدۇۋەلى ئىمىن، مۇختەر سېتىۋالدى، قۇربان مامۇت قاتارلىقلار ئۆلۈمگە بۇيرۇلغاندىن باشقا ئەخمەت راخمان، ئىمىن مېھمان قاتارلىقلارغا ئۆلۇم جازاسى بېرىلىپ ئىككى يىل كېچىكتۈرۈپ ئىجرا قىلىش بۇيرۇلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت