Уйғур аптонум районлуқ сиясий қанун хизмәт йиғини мәхсус үч хил күчләрни қаттиқ бастурушни тема қилди

Уйғур елиниң һөкүмәт тор бәтлиридин ашкарилинишичә, 6 - январ үрүмчидә ечилған уйғур аптонум районлуқ сиясий қанун хизмәт йиғинида мәхсус үч хил күчләргә қаттиқ зәрбә бериш тәкитләнгән.

Хитай компартийисиниң уйғур елигә қойған секретари йәни "шинҗаңда " муқимлиқ һәммини бесип чүшиду дегән тәлиматини оттурға қоюп, уйғур елидә қаттиқ бастуруш сиясити қоллинип келиватқан ваң лечуән, йиғинда сиясий қанун хизмәтчилиригә "уйғур елиниң сиясий вәзийити җидди пәйттә турмақта үч хил күчләрниң бузғунчилиқ һәрикәтлириниң алдини елишта тәшәббускарлиқ билән һәркәт башлишимиз, баш көтүрүштин бурун уҗуқтуруш керәк" дәп тәкитлигән.

У йәнә, сиясий қанун хизмәтчилириниң "үч хил күчләргә қарита һошяр болуш һәмдәмуқимлиқни қоғдаш үчүн, қаттиқ зәрбә бериш" ни әң муһим һәм асаслиқ вәзиписи дәп билип, һәр қачан муқимлиқниң һәммини бесип чүшидиғанлиқ принсипида чиң турушни тапшурған.

Хитай һөкүмити уйғур елидә үч хил күчләргә қаттиқ зәрбә беришни тәкитләп келиватқан бир пәйттә кишилик һоқуқ тәшкилатлири хитай һөкүмитини, мустәқиллиқ арзуси болған уйғурларни һәмдә ислам дини муритлирини һәр хил баһаниләр билән бастуруш билән әйиплимәктә. (Гүлчеһрә)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар