Uyghur aptonum rayonluq siyasiy qanun xizmet yighini mexsus üch xil küchlerni qattiq basturushni téma qildi

Uyghur élining hökümet tor betliridin ashkarilinishiche, 6 - yanwar ürümchide échilghan Uyghur aptonum rayonluq siyasiy qanun xizmet yighinida mexsus üch xil küchlerge qattiq zerbe bérish tekitlen'gen.

Xitay kompartiyisining Uyghur élige qoyghan sékrétari yeni "shinjangda " muqimliq hemmini bésip chüshidu dégen telimatini otturgha qoyup, Uyghur élide qattiq basturush siyasiti qollinip kéliwatqan wang léchu'en, yighinda siyasiy qanun xizmetchilirige "Uyghur élining siyasiy weziyiti jiddi peytte turmaqta üch xil küchlerning buzghunchiliq heriketlirining aldini élishta teshebbuskarliq bilen herket bashlishimiz, bash kötürüshtin burun ujuqturush kérek" dep tekitligen.

U yene, siyasiy qanun xizmetchilirining "üch xil küchlerge qarita hoshyar bolush hemdemuqimliqni qoghdash üchün, qattiq zerbe bérish" ni eng muhim hem asasliq wezipisi dep bilip, her qachan muqimliqning hemmini bésip chüshidighanliq prinsipida ching turushni tapshurghan.

Xitay hökümiti Uyghur élide üch xil küchlerge qattiq zerbe bérishni tekitlep kéliwatqan bir peytte kishilik hoquq teshkilatliri xitay hökümitini, musteqilliq arzusi bolghan Uyghurlarni hemde islam dini muritlirini her xil bahaniler bilen basturush bilen eyiplimekte. (Gülchéhre)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar