Уйғурлар вашингтонда хитай һөкүмитиниң5 - феврал ғулҗа қирғинчилиқиға җаваб беришни тәләп қилип намайиш өткүзди


2008-02-05
Share

‏Америка уйғур уюшмиси вә уйғур демократийә, кишилик һоқуқ фондиниң оюштурушида, -5феврал ғулҗа вәқәсиниң 11 йиллиқи мунасивити билән, бүгүн америкиниң пайтәхти вашингтондики хитай әлчиханиси алдида наразилиқ намайиши өткүзүлди.

Вашингтон шәһиридә елип берилған намайишқа, уйғур миллий һәрикитиниң рәһбири, дуня уйғур қурултийи рәиси рабийә қадир ханим иштирак қилғандин сирт, америкиниң верҗиния, мәрийләнд, ниюҗерсий штатлири вә вашингитон һәмдә нюйорк шәһәрлиридә олтурушлуқ уйғурлар шуниңдәк фалунгуң вә хитай демократчилиридин болуп 300дин артуқ киши қатнашти.

-5 Феврал сәйшәнбә вашингитон вақти чүштин кейин үчтә башланған бу намайиш үч саәтчә давамлашти.

Намайиш давамида рабийә қадир ханим буниңдин 11 йил илгири ғулҗа шәһиридә, ғулҗа яшлири тәрипидин уюштурулған тинчлиқ намайишниң хитай һөкүмити тәрипидин қораллиқ бастурулуш вәқәсидә һаятидин айрилғанларни яд етиш вә һазирға қәдәр түрмиләргә ташлинип, қейин - қистаққа елиниватқан уйғур яшлириниң әркинликкә чиқиши үчүн хитай һөкүмитигә қарита күчлүк наразилиқини билдүрүп баянат бәрди вә "хитай или қирғинчилиқидики җавабкарлиқидин қечип қутулалмайду, биз бу қанлиқ бастурушни унтуп қалмаймиз, хитай һөкүмити 1997 - йили5 - феврал вәқәсидә өлтүргән, түрмигә ташлиған һәмдә из ‏- дерәксиз йоқалған қериндашлиримиз һәққидә уйғурларға һәмдә дуняға җаваб бәрмигичә, биз бу наразилиқ һәрикитимизни тохтатмаймиз "дәп тәкитлиди.

Намайишчилар "хитай һөкүмити уйғурларни бастурушни тохтат ", "хитай һөкүмити ғулҗа қирғинчилиқиға җаваб бәр", шәрқий түркистанға һөрлүк, демократийә, тинчлиқ керәк" дәп йезилған лозункиларни көтүрүп, хитай һөкүмити түрмидики барлиқ сиясий мәһбусларни қоюп бәр, дегәндәк шоарларни товлиди.

Бир қанчә йиллардин буян бу күндә, һәрқайси дөләтләрдә яшаватқан уйғурлар намайиш вә башқа охшимиған шәкилләрдә " ғулҗа вәқәсини хатириләш паалийити"ни давамлаштуруп кәлмәктә.

Бу йилму уйғурларниң миллий рәһбири, дуня уйғур қурултийиниң рәиси рабийә қадир ханимниң тәшәббуси билән, дуняниң һәрқайси җайлиридики уйғурлар, 5 ‏- феврал күнини илгири‏- кейин болуп, намайиш вә түрлүк шәкилләрдики йиғилиш паалийәтлирини елип бериш арқилиқ хатирилиди. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт