Uyghurlar washin'gtonda xitay hökümitining5 - féwral ghulja qirghinchiliqigha jawab bérishni telep qilip namayish ötküzdi


2008-02-05
Share

‏Amérika Uyghur uyushmisi we Uyghur démokratiye, kishilik hoquq fondining oyushturushida, -5féwral ghulja weqesining 11 yilliqi munasiwiti bilen, bügün amérikining paytexti washin'gtondiki xitay elchixanisi aldida naraziliq namayishi ötküzüldi.

Washin'gton shehiride élip bérilghan namayishqa, Uyghur milliy herikitining rehbiri, dunya Uyghur qurultiyi re'isi rabiye qadir xanim ishtirak qilghandin sirt, amérikining wérjiniya, meriylend, niyujérsiy shtatliri we washin'giton hemde nyuyork sheherliride olturushluq Uyghurlar shuningdek falun'gung we xitay démokratchiliridin bolup 300din artuq kishi qatnashti.

-5 Féwral seyshenbe washin'giton waqti chüshtin kéyin üchte bashlan'ghan bu namayish üch sa'etche dawamlashti.

Namayish dawamida rabiye qadir xanim buningdin 11 yil ilgiri ghulja shehiride, ghulja yashliri teripidin uyushturulghan tinchliq namayishning xitay hökümiti teripidin qoralliq basturulush weqeside hayatidin ayrilghanlarni yad étish we hazirgha qeder türmilerge tashlinip, qéyin - qistaqqa éliniwatqan Uyghur yashlirining erkinlikke chiqishi üchün xitay hökümitige qarita küchlük naraziliqini bildürüp bayanat berdi we "xitay ili qirghinchiliqidiki jawabkarliqidin qéchip qutulalmaydu, biz bu qanliq basturushni untup qalmaymiz, xitay hökümiti 1997 - yili5 - féwral weqeside öltürgen, türmige tashlighan hemde iz ‏- déreksiz yoqalghan qérindashlirimiz heqqide Uyghurlargha hemde dunyagha jawab bermigiche, biz bu naraziliq herikitimizni toxtatmaymiz "dep tekitlidi.

Namayishchilar "xitay hökümiti Uyghurlarni basturushni toxtat ", "xitay hökümiti ghulja qirghinchiliqigha jawab ber", sherqiy türkistan'gha hörlük, démokratiye, tinchliq kérek" dep yézilghan lozunkilarni kötürüp, xitay hökümiti türmidiki barliq siyasiy mehbuslarni qoyup ber, dégendek sho'arlarni towlidi.

Bir qanche yillardin buyan bu künde, herqaysi döletlerde yashawatqan Uyghurlar namayish we bashqa oxshimighan shekillerde " ghulja weqesini xatirilesh pa'aliyiti"ni dawamlashturup kelmekte.

Bu yilmu Uyghurlarning milliy rehbiri, dunya Uyghur qurultiyining re'isi rabiye qadir xanimning teshebbusi bilen, dunyaning herqaysi jayliridiki Uyghurlar, 5 ‏- féwral künini ilgiri‏- kéyin bolup, namayish we türlük shekillerdiki yighilish pa'aliyetlirini élip bérish arqiliq xatirilidi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet