Xitay hökümiti Uyghur aptonum rayoni qurulghanliqining 50 yilliqi harpisida bixeterlikni kücheytmekte


2005-09-07
Share

Xitay hökümiti Uyghur aptonum rayoni qurulghanliqining 50 yilliqining aldi- keynide, tuyuqsiz weqelerge taqabil turush üchün, rehbiriy kadirlarning nöwetchilik tüzümini ornitish we ulargha alahide ehwal bolmisa dem élishqa ruxset bermeslik heqqide uqturush chüshürdi.

Xitay hökümet metbu'atlirining xewiridin ashkarilinishiche, Uyghur aptonom rayonluq partkomning da'imiy hey'et ezasi, ürümchi sheherlik partkomning sékritari yang gang seyshenbe küni échilghan jem'iyet muqimliq yighinida bu uqturushni élan qilghan.

Yang gang sözide, "düshmen küchlerning buzghunchiliq pa'aliyetlirini pilan basquchidila yoqitish üchün, jama'et xewpsizlikini kücheytishimiz, hoshyarliqni östürüshimiz kérek" dégen. U yene bu jeryanda, Uyghur élining bashqa jayliridin ürümchige kelgen kimlik kinishkisi yoq kishilerni nuqtiliq tekshürüp tazilash, türmidin qoyup bérilgen kishiler üstidin nuqtiliq nazaret qilish, ammiwi erz sunush pa'aliyetlirining aldini élish qatarliq tedbirlerni qollinidighanliqini bildürgen.

Xitay hökümiti Uyghur aptonom rayoni qurulghanliqining 50 yilliq tebrik pa'aliyetlirini ürümchide ötküzidighanliqi üchün, ürümchining bixeterlikini alahide kücheytmekte.

Dunya Uyghur qurultiyining bayanatchisi dilshat rishit, xitay hökümitining Uyghur élini bésiwalghanliqining 50 yilliqini tebriklesh üchün bu xil yuqiri bésimliq siyasetlerni yürgüzgenlikini tenqid qilip, bu qétimqi tebriklesh murasimlirining "toqmaq astidiki tentene" bolidighanliqini bildürdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet