Xitay merkizi hökümitining Uyghur aptonom rayoni qurulghanliqini tebriklesh ömiki ürümchige keldi


2005-09-23
Share

Xitay merkizi hökümiti kompartiye merkizi komitét siyasi birosining da'imi ezasi lo gen bashchiliqidiki bir wekiller ömikini jüme küni Uyghur aptonom rayoni qurulghanliqining 50 yilliqini tebriklesh üchün ürümchige ewetti.

Wekiller ömiki jüme küni ürümchige yétip barghanda, yerlik da'iriler ottura - bashlan'ghuch we ali mektep oqughuchilirini wekiller ömikini kütüwélishke seperwer qildi.

Uyghur aptonom rayonining sabiq re'isliridin ismayil emet we ablet abdurishitlargha wekiller ömiki terkibidin orun bérilgen.

Uyghur aptonom rayonining 1955 - yildiki qurulush murasimigha béyjing hökümiti dong biwu bashchiliqidiki wekiller ömikini yollighan. Aptonom rayonning 30 yilliqigha 50 - yillarda Uyghur milletperwerlirini basturush bilen nam chiqarghan wang jén ewetilgen idi.

Bu qétim merkizi wekiller ömiki lo genning bashchiliqida keldi. Lo gen xitay kompartiyisining qanun we bixeterlik organlirini bashquridu. U, ilgiri Uyghur aptonom rayonini ziyaret qilip, wang léchü'enning atalmish "üch xil küch" ni " bash kötergen haman yoqitish," " böshügide ujuqturush" siyasitini qollighan.

Xitay hökümiti bu yil 7 - aydin bashlap aptonom rayon boyiche atalmish "üch xil küchler" ni basturush herikiti qanat yaydurdi. Da'iriler bu heriketning 50 yilliqni tebriklesh pa'aliyiti axirlashqiche dawamlishidighanliqini bildürmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet