Bayin'gholinda yuqiri derijilik bir Uyghur kadir özini öltürüwaldi


2005-09-26
Share

Uyghur aptonom rayonining bayn'ghulin oblastidiki korla shehirining sheher bashliqi mutellip yüsüp, yéqinda namelum sewebler tüpeylidin özini öltüriwaldi.

Xelq ichide mutellip yüsüpning özini öltürüwélish sewebliri toghrisida her xil mish - mish gepler tarqalghan. Emma da'iriler mutellip yüsüpning ölüsh sewebige hazirghiche resmi éniqlima bermidi.

Mutellipning ölümi xitay hökümiti Uyghur aptonom rayoni qurulghanliqining 50 yilliqini tebriklesh üchün teyyarliniwatqanda, bolupmu kompartiye merkizi komitét siyasi byurosining da'imi ezasi lo gen bashchiliqidiki merkizi tebriklesh ömiki rayonni ziyaret qiliwatqanda yüz bergen.

Bu weqe 1950 - yillarda ili wilayitining sabiq walisi abduréhim eysaning, 1960 - yillarda aqsu wilayitining sabiq walisi memtimin ne'imilarning özini öltürüwélish weqesidin kéyin yüz bergen, yuqiri derijilik bir Uyghur kadirning özini öltürüwélish weqesi bolup hisaplinidu.

Igilishimizche mutellip yüsüp bu yil 44 yashlarda bolup, lopnur nahiyiside tughulghan iken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet