Xitay j x ministirliqi Uyghur élidiki j x organlirini teqdirlidi

Xitay kompartiyisi merkiziy siyasiy byurosining ezasi, xitayning jama'et xewpsizlik ministiri jow yongkang, Uyghur élidiki j x organlirining Uyghur aptonom rayoni qurulghanliqining 50 yilliqi mezgilide amanliq saqlash xizmitini yaxshi élip barghanliqini teqdirlidi.

Tengritagh xewer torining melum qilishiche, aptonom rayonning 50 yilliqi munasiwiti bilen Uyghur élide 9 - ayning 23 -künidin 10 -ayning 1 - künigiche her xil tiptiki tebriklesh pa'aliyetliri élip bérilghan bolup, bu mezgilde aptonom rayonluq jama'et xewpsizlik organliri, qoralliq saqchi qisimliri we bingtü'en j x organliri birlikte heriketke kélip, amanliq qoghdash ishlirini élip barghan.

Xewerde gerche bu orunlarning "3 xil küchlerge zerbe bérish" jehette körünerlik netije qazinip, bir qatar chong tiptiki yoshurun xewplerni tarmar qilghanliqi sherhilen'gen bolsimu, lékin bu heqte tepsiliy melumat bérilmigen.

Uyghur pa'aliyetchiliri , xitay saqchi da'irilirining amanliq qoghdash namidiki bu herikitige bashqiche qarashta bolmaqta. (Peride)