Amérika Uyghur birleshmisi xitay hökümitining Uyghurlarni 'térrorchi' dep basturuwatqanliqining pakitlirini élan qildi
Muxbirimiz weli xewiri
2008.09.10
2008.09.10
Bu heqtiki doklat amérika Uyghur birleshmisi we Uyghur kishilik hoquq tetqiqat témisi dégen organ teripidin neq höjjet we foto süret delilliri asasida teyyarlan'ghan.
Bu doklatta, xitay hökümitining 'qanunsiz diniy pa'aliyet bilen shughullandi' dégen nam bilen sherqiy türkistanda yéshi 8 din 14 yashqiche bolghan 160 neper Uyghur balilirini tutup türmige tashlighanliqi؛ kucha, qeshqerlerde 'bixeterlikni qoghdash' dégen nam bilen 1000 din artuq ademni qolgha alghanliqi qatarliq qanunsiz heriketlirige da'ir delil - pakitlarni ashkarilapla qalmay, chet'elde turuwatqan Uyghurlarning Uyghur amérika birleshmisi dégen ammiwiy teshkilatini, hetta Uyghur démokratiye herikitining yétekchisi rabiye qadir xanimnimu 'térrorchi' dégen da'irige qoshuwalghanliqining pakitlirinimu, hetta hazir yene 'xitayning dölet bayrimini qoghdash' dégen nam bilen 200 ming qoralliq saqchi seperwer qilghanliqning delil - pakitlirini körsetken.