Ababekri qasim "nyu-york waqti géziti" de gu'antanamodiki tutqunlar hoquqini qoghdashni telep qildi


2006.09.18

Gu'antanamodin qoyup bérilgendin kéyin albaniyige orunlashqan Uyghur siyasi musapir ababekri qasim "nyu - york waqti géziti" de ochuq xet élan qilip, amérika dölet mejlisidin gü'entanamodiki tutqunlar hoquqini qoghdashni telep qildi.

Ababekri qasim mezkur gézitning 17 - séntebirdiki sanida élan qilghan ochuq xette, amérika dölet mejlisi gu'antanamodiki mehbuslarning erz qilish hoquqini chekleydighan qanun chiqarmaqchi boluwatqanliqini "ökünüsh ichide anglidim, " deydu.

Xitayda komunistlargha tinch yollar bilen qarshi turup özige oxshash türmige tashlan'ghan we basturulghan kishilerni soraydighan musteqil sot mehkimiliri yoqliqini tekitligen ababekri qasim, "méning amérika qanunlirigha bolghan hörmitim egri toqay yollarni bésim ötti, " dep körsetti. U, özining afghanistan urushida xata waqit we xata yerde turup qalghanliqini we adaletsiz mu'amilige uchrighanliqini eskertip, "men gü'entanamodiki yüzligen tutqunlargha oxshash héchbir waqit térrorchi yaki esker bolup baqmighan idim, " dep yazdi.

Ababekrining eskertishiche, amérika qanunidiki mehbuslarning erz qilish hoquqi uning "dunyagha Uyghurlar amérika yaki gherbke tehdit emes, " dep jakarlishigha yardemchi bolghan. U, " shunga men qanun chiqarghuchilardin mehbuslarning erz qilish hoquqi we adaletning jari qildurulushini soraymen, " deydu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.