Awistraliye puqrasi Uyghur nurpolat abdulla qazaqistanda 15 yilliq qamaq jazasigha tartilghan


2004-11-17
Share

Awistraliyediki ABC téléwiziye istansisi yéqinda, awistraliye puqrasi Uyghur nurpolat abdullaning qazaqistan hökümiti teripidin térrorluq pa'aliyet bilen shoghullan'ghan dégen jinayet bilen 15 yilliq qamaq jazasigha tartilghanliqi toghrisida mexsus xewer berdi.

Gerche bu weqening yüz berginige 3 yildin ashqan bolsimu, lékin muxbir maykél wénsént awistraliye hökümitining öz puqrasini qoghdashta yéterlik tirishchanliq körsetmigenlikini asas qilip bu programmini teyyarlighan.

Nurpolatning ayali rabiye abdulla téléwizorda muxbirning ziyaritini qobul qilghanda, qazaqistanda yüz bergen ikki xitay emeldarini öltürüsh weqesidin kéyin, qazaqistan saqchilirining yoldishi nurpolat abdullani öz ichige alghan 100 ge yéqin Uyghurni soraqqa tartqanliqini we kéyin héchqandaq pakit yoq we ochuq sot achmighan ehwaldila uninggha térrorluq pa'aliyet bilen shoghullan'ghan dep 2001 - yili 10 - ayda 15 yilliq qamaq jazasi bergenlikini bildürdi.

Rabiye abdulla yene, yoldishi nurpolatning qazaqistan türmiside éghir qiyin-qistaqlargha élin'ghanliqini éytip, awistraliye hökümitining uning qoyup bérilishi üchün tirishchanliq körsitishini telep qildi.

Xewerde körsitilishiche, nurpolat abdulla Uyghur élidin awistraliyege chiqip,1986 - yili awistraliye puqraliqigha ötken. Hemde kéyin u ayali bilen oghlini élip qazaqistan'gha köchüp ketken. U qazaqistandiki mezgilide Uyghur élidin qéchip chiqqan Uyghurlarning matiriyallirini terjime qilish ishliri bilen shoghullan'ghan iken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.