Авистралийә пуқраси уйғур нурполат абдулла қазақистанда 15 йиллиқ қамақ җазасиға тартилған

2004-11-17
Елхәт
Пикир
Share
Принт

Авистралийәдики ABC телевизийә истансиси йеқинда, авистралийә пуқраси уйғур нурполат абдулланиң қазақистан һөкүмити тәрипидин террорлуқ паалийәт билән шоғулланған дегән җинайәт билән 15 йиллиқ қамақ җазасиға тартилғанлиқи тоғрисида мәхсус хәвәр бәрди.

Гәрчә бу вәқәниң йүз бәргинигә 3 йилдин ашқан болсиму, лекин мухбир майкел венсент авистралийә һөкүмитиниң өз пуқрасини қоғдашта йетәрлик тиришчанлиқ көрсәтмигәнликини асас қилип бу программини тәйярлиған.

Нурполатниң аяли рабийә абдулла телевизорда мухбирниң зияритини қобул қилғанда, қазақистанда йүз бәргән икки хитай әмәлдарини өлтүрүш вәқәсидин кейин, қазақистан сақчилириниң йолдиши нурполат абдуллани өз ичигә алған 100 гә йеқин уйғурни сораққа тартқанлиқини вә кейин һечқандақ пакит йоқ вә очуқ сот ачмиған әһвалдила униңға террорлуқ паалийәт билән шоғулланған дәп 2001 - йили 10 - айда 15 йиллиқ қамақ җазаси бәргәнликини билдүрди.

Рабийә абдулла йәнә, йолдиши нурполатниң қазақистан түрмисидә еғир қийин-қистақларға елинғанлиқини ейтип, авистралийә һөкүмитиниң униң қоюп берилиши үчүн тиришчанлиқ көрситишини тәләп қилди.

Хәвәрдә көрситилишичә, нурполат абдулла уйғур елидин авистралийәгә чиқип,1986 - йили авистралийә пуқралиқиға өткән. Һәмдә кейин у аяли билән оғлини елип қазақистанға көчүп кәткән. У қазақистандики мәзгилидә уйғур елидин қечип чиққан уйғурларниң матирияллирини тәрҗимә қилиш ишлири билән шоғулланған икән. (Пәридә)

Пикирләр (0)
Share
Толуқ бәт