Шәрқий түркистан җумһурийитиниң баш катипи абдурәуф мәхсум қаза қилди


2005-08-03
Share

Шәрқий түркистан җумһурийитиниң баш катипи вә 20 - әсир уйғур сияси тарихиниң муһим вәкиллиридин бири болған абдурәуф мәхсум ибраһими әпәнди 3 - авғуст күни алматада 91 йешида аләмдин өтти.

Атағлиқ уйғур сиясий әрбаби абдурәуф мәхсум ибраһими 1914 - йили уйғур елиниң ғулҗа шәһиридә туғулған болуп, өсмүрлүк вә яш вақитлирида ғулҗа шәһиридә диний вә пәнний маарип тәрбийиси алған һәмдә боғалтирлиқ кәспини өгинип, ғулҗа шәһиридә тонулған боғалтирлардин болуп йетишип чиққан.

У 1944 - йили 4 - айларда ғулҗа шәһиридә азадлиқ тәшкилати қурулғанда, тунҗи болуп униңға иштирак қилип, актип паалийәтчигә айланди. Шундақла у кейин, 1944 - йили 12 - ноябирда ғулҗа шәһиридә қурулған шәрқий түркистан җумһурийитиниң баш катипи болуп ишлиди.

У 1950 - йилларда хитай коммунист һөкүмити тәрипидин түрлүк қийин-қистақларға учриғандин кейин, 1962 - йили аилиси билән амалсиз һалда юртидин айрилип, совет қазақистаниға көчүп барди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт