Абдухалиқ уйғурниң шеһит қилинғиниға 75 йил тошти


2008-03-16
Share

Бу йил 3 - айниң 13 - күни уйғур хәлқиниң 20 - әсир әдәбиятиниң асасини салғучилиридин бири, уйғур хәлқини ойғитип, уни азадлиққа чақирип, шу йолда дүшмән тәрипидин шеһит қилинған шаир абдухалиқ уйғурниң шеңшисәй тәрипидин өлтүрүлгәнликиниң 75йиллиқидур.

Абдухалиқ уйғурниң қурбан болғанлиқиниң 75 йиллиқ мунасивити уйғур елиниң ичи вә сиртидики уйғур зиялийлири, әдиблири һәм яшлириниң уни түрлүк шәкилдә хатирилигәнлики мәлум.

Абдухалиқ уйғур 1901 - йили турпанда туғулған, илгири кейин өз юртида вә русийидә билим елип, шу дәвирниң көп тил билгән, көпни көргән һәм оқуған зиялиси һәм шаири болуш сүпити билән уйғурларни әркинлик үчүн күрәш қилишқа чақиридиған "ойған", "ачил" қатарлиқ көплигән шеирларни язған иди.

У 1932 - йили,турпан қозғилиңиға қатнашқан вә 1933 - йили 3 - айда турпанда шең шисәй әскәрлири тәрипидин тутқун қилинип, 17 - март күни турпан шәһәр мәркизидә шиң шисәйниң биваситә буйруқи бойичә башқа 17 нәпәр сәпдиши билән бирликтә қилич билән чепип өлтүрүлгән.

Тарихий мәлуматларға қариғанда, абдухалиқ уйғур вәһший дүшмән алдида қилчә тиз пүкмәй, уйғур, рус вә хитай тилида нутуқ сөзләп, өзиниң қайтмас ирадисини ипадилигән. Гәрчә абдухалиқ уйғур шеһит болғиниға 75 йил болсиму лекин униң "ойған " намлиқ шәһири һәр бир уйғур тәрипидин даим ядлинип, уйғурларниң миллий роһиға илһам бәрмәктә. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт