Адил һошур сәддичиндин өтмәкчи

Пәләк шаһи адил һошур, 2008 - йиллиқ бейҗиң олимпик тәнһәрикәт йиғинини хатириләш йүзисидин хитайниң сәддичин сепилға тартилған полат арқандин меңип өтүп, йеңи рекорт яритишни пиланлиған икән.
Мухбиримиз үмидвар хәвири
2008.06.22

 Техи йеқиндила қәшқәргә кәлгән олимпик мәшилини көтүрүш паалийитигә қатнашқан адил һошурниң бу йеңи пилани һәққидә уйғур дияридики бир қисим уйғур тор бәтлири "үрүмчи кәчлик гезити" дин нәқил елип хәвәр тарқатқан.

Хәвәрдә ейтилишичә, адил һошур 13 - июл күни 2008 метир узунлуқтики арқанда, кичик мәшәлләр орнитилған тәңшәкни көтүрүп маңидикән. Сәддичин сепилиниң бейҗиң шәһириниң хуайру наһийиси тәвәсидики йүтән җилғисиға тоғра келидиған җайдики икки сепил турасиға тартилған бу полат арқанниң бошлуқтики егизлики 350 метирдин 400 метирғичә келидикән.

Адил һошур бу қетим өзиниң рекортини бузуп, йеңи рекорт яритидиғанлиқини җакарлиған болсиму, бирақ, мәзкур хәвәрни аңлиған кишиләрниң бәзилири адил һошурниң бу тәвәккүлчиликидин пәхирләнсә, йәнә бәзилири бундақ қилишни әһмийәтсиз һесаблап, уни хәтәргә өзини атимаслиққа дәвәт қилишқан.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.