Adil hoshur seddichindin ötmekchi

Pelek shahi adil hoshur, 2008 - yilliq béyjing olimpik tenheriket yighinini xatirilesh yüzisidin xitayning seddichin sépilgha tartilghan polat arqandin méngip ötüp, yéngi rékort yaritishni pilanlighan iken.
Muxbirimiz ümidwar xewiri
2008.06.22

 Téxi yéqindila qeshqerge kelgen olimpik mesh'ilini kötürüsh pa'aliyitige qatnashqan adil hoshurning bu yéngi pilani heqqide Uyghur diyaridiki bir qisim Uyghur tor betliri "ürümchi kechlik géziti" din neqil élip xewer tarqatqan.

Xewerde éytilishiche, adil hoshur 13 - iyul küni 2008 métir uzunluqtiki arqanda, kichik mesh'eller ornitilghan tengshekni kötürüp mangidiken. Seddichin sépilining béyjing shehirining xu'ayru nahiyisi tewesidiki yüten jilghisigha toghra kélidighan jaydiki ikki sépil turasigha tartilghan bu polat arqanning boshluqtiki égizliki 350 métirdin 400 métirghiche kélidiken.

Adil hoshur bu qétim özining rékortini buzup, yéngi rékort yaritidighanliqini jakarlighan bolsimu, biraq, mezkur xewerni anglighan kishilerning beziliri adil hoshurning bu tewekkülchilikidin pexirlense, yene beziliri bundaq qilishni ehmiyetsiz hésablap, uni xeterge özini atimasliqqa dewet qilishqan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.