Австралийә уйғур елидә әйдиз кесилиниң алдини елиш хизмити елип бармақчи


2004.11.09

Австралийә даирилири, уйғур елида әвҗ еливатқан әйдиз кесилини нәзәрдә тутуп, үрүмчи шәһири, или области вә қәшқәр шәһәрлиридә аялларда әйдизниң алдини елиш түри турғузуп, мәзкур түрни 2006 -йили 3 -айда йолға қоюшни қарар қилған..

Хитай хәвәр агенлиқлириниң хәвиридин ашкарлинишичә, уйғур елида аялларниң әйдиздин юқумлунуш нисбити интайин юқири болуп, уларниң өзини қоғдаш кесәлдин сақлиниш һәққидики билим даириси төвән болғанлиқтин мушу хил ақивәт келип чиққан икән.

Уйғур елидин игилигән мәлуматлардин қариғанда, нөвәттә сәһийә орунлириниң әйдиздин сақлиниш һәққидә елип барған тәшвиқат хизмәтлири интайин аҗиз болупла қалмай, һәтта уйғур елидә әйдиз бимарлири билән той қилиш рухсәт қилинидикән, бир қисим кишиләр қисқиси бу кесәлниң қан билән юқумлинидиғанлқи һәққидики аддий саваттинму хәвәрсиз икән.

Аптонум районлуқ аяллар бирләшмисиниң муавин рәисиниң мәтбуатларға ейтишичә, австралийә тәрәп, уйғур елидики аялларда әйдизниң алдини елиш түри үчүн 500 миң юән нәқ пул аҗратқан.

Бирақ, чәтәлләрдики уйғур кишилик һоқуқ тәшкилатлири, бу пулниң нәқ җайиға ишлитилишидин әндишә һис қилидикән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.