ئۇيغۇر ئېلىدە ئەيدىز ۋىروسى بىلەن يۇقۇملانغانلارنىڭ سانى تېز ئاشماقتا
2004.11.25
ئۇيغۇر ئاپتونۇم رايونلۇق ئەيدىز كېسىلىنىڭ ئالدىنى ئېلىش خىزمەت كومىتېتى ئۇيغۇر ئېلىدە ئەيدىز ۋىروسىنىڭ تېز سۈرئەتتە تارقىلىپ، بۇ يىل 9 - ئايغىچە تىزىمغا ئالدۇرغان ئەيدىز ۋىروسى بىلەن يۇقۇملانغۇچىلار سانىنىڭ 9346 غا يەتكەنلىكىنى بىلدۈردى.
مەزكۇر كومىتېتنىڭ بىلدۈرۈشىچە، نۆۋەتتە تىزىمغا ئالدۇرغان ئەيدىز ۋىروسى بىلەن يۇقۇملانغۇچىلارنىڭ 85٪ ئى ئەرلەر، ٪ 15 ئى ئاياللار بولۇپ، كۆپىنچىسى 40 ياشتىن تۆۋەن ياش ۋە ئوتتۇرا ياشلىقلار ئىكەن.
خىتاي دائىرىلىرى ئۇيغۇر ئېلىدە ئەيدىز كېسىلىنىڭ ئاساسلىقى زەھەرلىك چېكىملىك چەككۈچىلەرنىڭ ئوكۇل يىڭنىسىنى ئورتاق ئىشلىتىشىدىن ، شۇنىڭدەك جىنىسىي ئالاقە ۋە ئانىنىڭ بالىغا يۇقتۇرىشى قاتارلىق يوللار بىلەن تارقىلىۋاتقانلىقىنى بىلدۈرگەن.
بىراق بىر قىسىم كۈزەتكۈچىلەرنىڭ قارىشىچە، يېقىنقى ئىككى يىلدىن بۇيان بولۇپمۇ ئاياللارنىڭ ئەيدىز ۋىروسى بىلەن يۇقۇملىنىش نىسبىتى تېز ئېشىۋاتقان بولۇپ، جىنسىي ئالاقە ۋە ئانىنىڭ بالىغا يۇقتۇرىشى بارغانسىرى ئەيدىز كېسىلىنىڭ يۇقۇملىنىشىدىكى ئاساسلىق ۋاستىگە ئايلانماقتا.
ئۇيغۇر ئېلى خىتاي بويىچە ئەيدىز ۋىروسى ئەڭ تېز تارقىلىۋاتقان رايون. چەتئەلدىكى بىر قىسىم كۈزەتكۈچىلەر، ئۇيغۇر ئېلىدىكى ئەيدىز ۋىروسى بىلەن يۇقۇملانغانلارنىڭ سانىنىڭ ئەمىلىيەتتە خىتاي ھۆكۈمىتى ئېلان قىلغان ساندىن ھەسسىلەپ كۆپ بولىشى مۇمكىنلىكىنى، چۈنكى نۇرغۇنلارنىڭ كەمسىتىلىشتىن ئەنسىرەپ، ئۆزىنى تىزىمغا ئالدۇرمايدىغانلىقىنى بىلدۈرمەكتە. (ئارزۇ)
مۇناسىۋەتلىك ماقالىلار
- خىتاي ۋە ئۇيغۇر رايونىدىكى ئەيدىز يېتىملىرى ھەققىدە
- ئۇيغۇر رايونىدىكى ئاياللارنىڭ ئەيدىز كىسىلىگە گىرىپتار بولىشى ۋە ئۇنىڭ ئالدىنى ئېلىش ھەققىدە
- ئۇيغۇر رايونىدىكى ھامىلدار ئاياللار ۋە ئۇلاردىن تۇغۇلغان ئەيدىز بوۋاقلار
- ئۇيغۇر رايونىدىكى غۇلجا قاتارلىق شەھەرلەردە ئېغىرلىشىۋاتقان زەھەرلىك چېكىملىك ۋە ئەيدىز مەسىلىسى
- دوكتور مۇھەممەت ئىمىن ئەپەندى بىلەن ئەيدىز ھەققىدە سۆھبەت
- ئۇيغۇر ئېلىدە ئەيدىزنىڭ كەڭ دائىرىدە تارقىلىشىغا ئەگىشىپ، ئەيدىز يىتىملىرىمۇ كۆپەيمەكتە
- بىرلەشكەن دۆلەتلەر تەشكىلاتى، ئاياللارنىڭ ئەيدىز كېسىلىگە گىرىپتار بولۇش مەسىلىسىگە كۆڭۈل بۆلمەكتە
- ئاۋسترالىيە ئۇيغۇر ئېلىدە ئەيدىز كېسىلىنىڭ ئالدىنى ئېلىش خىزمىتى ئېلىپ بارماقچى