Uyghur élide eydiz wirosi bilen yuqumlan'ghanlarning sani téz ashmaqta


2004-11-25
Share

Uyghur aptonum rayonluq eydiz késilining aldini élish xizmet komitéti Uyghur élide eydiz wirosining téz sür'ette tarqilip, bu yil 9 - ayghiche tizimgha aldurghan eydiz wirosi bilen yuqumlan'ghuchilar sanining 9346 gha yetkenlikini bildürdi.

Mezkur komitétning bildürüshiche, nöwette tizimgha aldurghan eydiz wirosi bilen yuqumlan'ghuchilarning 85٪ i erler, ٪ 15 i ayallar bolup, köpinchisi 40 yashtin töwen yash we ottura yashliqlar iken.

Xitay da'iriliri Uyghur élide eydiz késilining asasliqi zeherlik chékimlik chekküchilerning okul yingnisini ortaq ishlitishidin , shuningdek jinisiy alaqe we anining baligha yuqturishi qatarliq yollar bilen tarqiliwatqanliqini bildürgen.

Biraq bir qisim küzetküchilerning qarishiche, yéqinqi ikki yildin buyan bolupmu ayallarning eydiz wirosi bilen yuqumlinish nisbiti téz éshiwatqan bolup, jinsiy alaqe we anining baligha yuqturishi barghansiri eydiz késilining yuqumlinishidiki asasliq wastige aylanmaqta.

Uyghur éli xitay boyiche eydiz wirosi eng téz tarqiliwatqan rayon. Chet'eldiki bir qisim küzetküchiler, Uyghur élidiki eydiz wirosi bilen yuqumlan'ghanlarning sanining emiliyette xitay hökümiti élan qilghan sandin hessilep köp bolishi mumkinlikini, chünki nurghunlarning kemsitilishtin ensirep, özini tizimgha aldurmaydighanliqini bildürmekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet