Uyghur élidiki ahaliler toydin ilgiri beden tekshürtüshke sel qarimaqta


2004.12.01

Eydiz wirosi téz tarqiliwatqan Uyghur élidiki ahalilerning toydin ewwel salametlik tekshürtüshke sel qarawatqanliqi sehiye da'irilirini endishige salmaqta.

Uyghur aptonum rayonluq sehiye nazaritining bildürüshiche, ötken yili öktebirde yéngi nikah qanuni yolgha qoyulghandin buyan, Uyghur élide toydin burun salametlik tekshürtidighan bir juplarning sani téz azlap ketken. Toydin burun salametlik tekshürtidighanlar, toy qilghanlar sanining٪ 1 inimu igilimeydiken.

Sehiye nazariti, toydin burunqi salametlik tekshürüshini eydiz késili, her xil jinisiy késeller we irsiy késellerning aldini élishtiki bir muhim waste dep körsitip, kishilerning buninggha sel qarawatqanliqidin endishe qiliwatqanliqini bildürgen.

Ular, yéngi nikah qanuni yolgha qoyulushtin burun, toydin burunqi salametlik tekshürüshige qatnashqanlarning ٪ 5 tin köprekining eydiz wirosi bilen yuqumlan'ghanlar ikenliki éniqlan'ghanliqini ashkarilighan.

Uyghur éli xitay boyiche eydiz wirosi eng téz tarqiliwatqan bir rayon bolup, xitay da'iriliri tizimgha aldurghan eydiz wirosi bilen yuqumlan'ghuchilar sanining 10 minggha yéqin ikenlikini bildürgen bolsimu, emma bezi Uyghur küzetküchiler, emeliyette bu sanining 90 mingdin ashqanliqini ilgiri sürmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.