Uyghur élida tizimgha élin'ghan zeherlik chékimlik chekküchiler 20 minggha yetken


2005.01.26

Xitay metbu'atlirining seyshenbe küni ashkarlishiche, Uyghur aptonom rayonida 2004 - yilning axirlirighiche hökümetning tizimlikidiki zeherlik chékimlik chékidighan benggilerning sani 20 gha yetken. Bu san Uyghur aptonom rayoni nupusining 1.18 ٪ Ni igilleydiken.

"Shinjang paytext géziti" ning xewer qilishiche, Uyghur ilida zeherlik chékimlik chekküchilerning sani, xitay boyiche zeherlik chékimlik chékidighanlar omumi nisbitidin yuqiri bolup, Uyghur aptonom rayoni zeherlik chékimlik mesiliside intayin jiddi weziyetke duch kelgen. Biraq mutexessisler, emiliyettiki sanning buningdin nechche hesse köp ikenlikini bildürmekte. Zeherlik chékimlik eydiz késilining Uyghurlar arisida yamirap kétishidiki eng asasliq qanallarning biri.

Aptonom rayonluq jama'et xewpsizlik nazaritining ashkarilishiche, nöwette zeherlik chékimlik chekküchiler Uyghur aptonom rayonidiki 15 wilayet we oblast, 84 nahiye we sheherge tarqalghan bolup, zeherlik chékimlik chékidighan benggilerning sani ürümchi bilen ghuljida eng köp iken.

Jama'et xewpsizlik nazariti zeherlik chékimlikke qarshi turush bashqarmisining ashkarilishiche, saqchilar 2004 -yilning deslepki yérimida zeherlik chékimlik dilosidin 628 ni bir terep qilghan. Shu yili 8 - aydin 12 - ayghiche 845 zeherlik chékimlik dilosini pash qilghan. Biraq xitaylarning zeherlik chékimlikni cheklesh siyasitini tenqit qilghuchilar, saqchilarning simwul xaraktirlik zerbe bérishni asas qilip, zeherlik chékimlik satquchilar bilen yeng ichide sodilishidighanliqini ilgiri sürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.