Австралийиниң әйдиз ярдәм программиси әмгәк билән өзгәртиш мәйданлириға кеңәйтилди


2005.02.14

Австралийә һөкүмитиниң хитай билән бирлишип, уйғур елида елип бериватқан әйдиз кесилидин мудапиә көрүш вә әйдиз бимарлириға көңүл бөлүш программиси бу айдин башлап, әйдиз мәсилиси еғир боливатқан һәр қайси әмгәк билән өзгәртиш мәйданлириға кеңәйтилди.

Хитай мәтбуатлириниң хәвиригә қариғанда, бу программа бойичә, кийинки бир йерим йил ичидә һәр қайси әмгәк билән өзгәртиш орунлиридикиләрниң әйдиз кесили һәққидики тонушини өстүрүш вә униңдин мудапиә көрүш хизмәтлири елип берилидикән.

Уйғур ели хитайда әйдиз вироси әң тез тарқиливатқан район болуп һесаблиниду. Хитай даирилири мәлум болған әйдиз бимарлириниң ٪ 90 дин көпрәкиниң зәһәрлик чикимликни чикиш арқилиқ юқтурғанлиқини билдүргән иди.

Һалбуки уйғур елидики әмгәк билән өзгәртиш мәйданлири зәһәрлик чикимлик чәккүчиләрни йиғивалидиғанлиқи үчүн, бу йәрләрдики әйдиз вәзийити кәскин һесабланмақта.

Илгири ғулҗа шәһиридин зияритимизни қубул қилған бир сақчи һәтта ғулҗидики әйдиз кесилиниң тарқилиш иһтималлиқи әң юқири болған зәһәрлик чикимләрни ташлатқузуш мәркәзлиридә әйдиз кесилидин мудапиә көрүш тәдбирлириниң елинмиғанлиқини билдүргән иди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.