Uyghur élide 3 aydila eydiz wirusi bilen yuqumlan'ghuchilardin 400 i bayqaldi


2005.11.06
Share on WhatsApp
Share on WhatsApp

Uyghur aptonom rayonluq sehiye nazaritining yéqinda melum qilishiche, Uyghur élide bu yil 6 - aydin 9 -ayghiche bolghan qisqighine 3 ay ichidila yéngidin eydiz wirusi bilen yuqumlan'ghuchilardin 400 i bayqalghan.

Shundaq bolghanda Uyghur élide bayqalghan eydiz wirusi bilen yuqumlan'ghuchilar omumiy sani 11303 ke yetken. Bularning arisida eydiz késilige aylinip bolghanliri 311 kishi bolup, hazirghiche 83 kishi eydiz késili bilen ölgen. Bu peqet éniqlan'ghan késelliklerning doklati bolghachqa, sehiye idariliri Uyghur élidiki emeliy eydiz ehwalining buningdin köp éghirliqini hetta Uyghur élide eydiz wirusi bilen yuqumlan'ghuchilar sanining az dégende 60 mingdin ashidighanliqini mölcherlimekte.

Eydiz késili ehwali Uyghur élining 14 wilayet - oblastida, 75 nahiye-sheherliride körülgen bolup, bu hazir yene téz sür'ette ashmaqta iken. Xitay xewer torida ilgiri élan qilin'ghan bir xewerde, ürümchi shehiridila tekshürüp bayqalghan eydiz wirusi bilen yuqumlan'ghuchilar sanining 4386 ge yetkenliki melum bolghan idi. Xelq'arada ortaq ishlitilidighan hésablash usuligha asaslan'ghanda, ürümchidimu az dégende 20 ming kishi eydiz wirusi bilen yuqumlan'ghan bolidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet