Uyghur aptonom rayonida ana - balilar eydiz programmisigha kirgüzülgen sheher - nahiyiler köpeydi


2005-12-30
Share

Uyghur aptonom rayonida ana - balilar öz - ara bir - birige eydiz wirusi tarqitishdin mudapi'e körüsh programmisi yolgha qoyulidighan rayonlar dawamliq köpeymekte.

Mezkur programma aptonom rayon boyiche ürümchi we ghulja qatarliq sheherlerde yolgha qoyulghandin kéyin, emdi jililyüz nahiyisi, qeshqer shehiri we kuchar qatarliq jaylar aptonom rayonluq sehiye nazariti teripidin 2006 - yili 1 - yanwardin tartip, ana - balilarning öz ‏- ara bir - birige eydiz késili tarqitishtin mudapi'e körüsh programmisi yolgha qoyulidighan sheher we nahiyiler qatarigha kirgüzüldi.

Mezkur programma 2003 - yilning kéyinki yérimidin bashlap, ürümchi we ghulja qatarliq aptonom rayon boyiche eydiz késilining tarqilish ehwali eng éghir ikki sheherde yolgha qoyulushqa bashlighan.

Közetküchilerning eskertishiche, bu programmining yuqiriqi nahiye we sheherlerde yolgha qoyulushi, Uyghur ilida eydiz wirusining dawamliq kéngiyiwatqanliqidin direk béridiken.

Aptonom rayonluq sehiye nazaritining naziri memet yasin peyshenbe küni mezkur programma yolgha qoyulghan nahiye we sheherlerning seperwerlik yighinida, " nöwette shinjangda eydiz késili yuqturuwalghan kishiler eng köp, yuqumlinish nisbiti eng yuqiri, eydiz késili yuqturuwalghan ayallar dawamliq köpeymekte" dep tekitligen. "

Tengritagh tor béti" ning xewer qilishiche, 2005 - yili - 1 aydin 11 - ayghiche ürümchi shehiri boyiche 60 neper hamildar ayalning eydiz wirusi bilen yuqumlan'ghanliqi éniqlan'ghan.

Tengritagh tori, "bularning ichidiki 32 neper hamildar ayalgha ana - balilarning bir - birige eydiz wirusi tarqitishini tosash boyiche dawalash élip bérildi," deydu. Emma anining qarnidiki téxi tughulmighan balilargha eydiz wirusining tarqilishini tosash boyiche qandaq " dawalash" élip bérilghanliqini tilgha almighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet