Ürümchide yérim yilning ichide yéngidin 1185 neper eydiz yuqumlan'ghuchi bayqaldi


2006.08.23
Share on WhatsApp
Share on WhatsApp

Ürümchi shehiride bu yilning deslepki yérim yili ichidila yéngidin 1185 neper eydiz yuqumlan'ghuchi bayqalghan.

Ürümchi sheherlik eydizning aldini élish ishxanisi mudiri jang eyxu'aning bildürishiche, pütün Uyghur élidiki eydiz wirusi bilen yuqumlan'ghuchilarning sani pütün memliket boyiche 3 ‏-orunda, ürümchi shehiridiki yuqumlan'ghuchilar sani bolsa pütün Uyghur éli boyiche ikkinji orunda turidiken.

1995‏- Yili ürümchide tunji eydiz bimari bayqilip hazirghiche bolghan mezgilde, bu san téz sür'ette éship, nöwette tizimgha chüshken eydiz yuqumlan'ghuchilarning sani 5790 kishige yetken. Xewerde körsitilishiche, ilgiri ürümchide yéngidin bayqalghan eydiz yuqumlan'ghuchiliri yiligha 400 din ashmaydikentuq. Emma bu yilliq ehwal kishini chöchitidighan bolup, deslepki 6 ay ichidila 1185 kishining eydiz wirusi bilen yuqumlan'ghanliqi bayqalghan.

Uyghur aptonom rayonluq sehiye nazaritining melum qilishiche, hazir pütün Uyghur élide tizimgha aldurghan eydiz yuqumlan'ghuchilirining sani 16035 neperge yetken bolup, buni xelq'araliq hésablash ölchimi boyiche hésablighanda, eydiz wirusini élip yürgüchilerning emeliy sani 60 mingdin ashidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet