Uyghur élidiki eydiz késellikliri ma'aripi qar leylisi teshkilati bikar qilindi

Xitay da'iriliri, Uyghur élidiki eydiz késellikliri ma'aripi qar leylisi teshkilatini bikar qildi.

Eydiz késelllikliri ma'aripi qar leylisi teshkilatining peyshenbe küni metbu'atlargha ashkarilishiche, hökümet mezkür teshkilatni, yerlik hökümet teripidin en'ge aldurulmighan dep eyibligen.

Xitay gerche, hökümetsiz teshkilatlarning qurulushigha ruxset bergen bolsimu, biraq bu teshkilatlarning aldin'ala özlirini hökümetning organlirigha tizimlitishi kéreklikini, shundaq qilghanda andin qanunluq orun'gha ige bolidighanliqini békitken.

Qar leylisi teshkilatining bildürüshiche, ular yéqinda , yuqumluq jiger yalluqi késellikige giriptar bolghan 19 neper oqughuchining, mekteptin qoghlap chiqirilghanliqini ochuq tenqid qilghan bolup, mushu sewebtin bu teshkilat bikar qilin'ghan.

Uyghur éli eydiz wirusi eng köp tarqiliwatqan rayon bolup, bu rayonda eydizge qarshi yéterlik tedbir élish heqqide teshwiqat intayin kemchil hésablinidu, mushundaq bir shara'itta , hökümetning eydiz bimarliri üchün ma'arip teshwiqati élip bérishni meqset qilghan qar leylisi teshkilatini bikar qilishi, Uyghurlarning qattiq naraziliqini qozghimaqta. (Eqide)