Béyjing " eyjishing" eydiz tetqiqat orni Uyghur aptonom rayoni da'irilirini tenqid qildi


2006.10.20
Share on WhatsApp
Share on WhatsApp

Béyjingda eydiz késilige qarshi turush pa'aliyiti bilen shughullinidighan "eyjishing" eydiz tetqiqat orni peyshenbe küni bayanat élan qilip, Uyghur aptonom rayoni da'irilirining qar leylisi eydiz teshkilatini tarqitiwetkenlikini eyiblidi.

Bayanatta, Uyghur aptonom rayoni da'irilirining bu herikitini " puqralarning erkin uyushush hoquqigha qarshi élip barghan yéngi tajawuzchiliq qilmi'ish " dep tenqidlidi. Shuning bilen birge bu junggo hökümet organlirining tunji qétim resmiy yollar bilen eydizge qarshi bir ammiwiy teshkilatni tarqitiwitishidur " dep körsetti.

Bayanatta, "shinjang eydiz késilining tarqilish ehwali nahayiti éghir rayon bolsimu, lékin shinjang hökümet organliri eydizge qarshi ammiwiy teshkilatlargha yenila ishenmeslik pozitsiyisi tutmaqta " deydu. Bayanatta eskertishiche, hökümet da'irilirining bu herikiti rayonda xelqning eydizge qarshi turush aktipchanliqigha selbiy tesir körsitidiken.

Uyghur aptonom rayoni da'iriliri peyshenbe küni ürümchidiki aliy mektep oqughuchiliri uyushturghan qar leylisi eydiz teshkilatini taqighan. Xitay hökümiti 1997 - yili ilida eydiz, zeherlik chékimlik we haraqkeshlikke qarshi turghan ili meshrep herikitining ezalirini " diniy esebiyler "dep basturghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet