Uyghur élide eydiz bimarliri künige 17 din köpeymekte


2006.11.28
Share on WhatsApp
Share on WhatsApp

Uyghur aptonom rayonluq sehiye nazaritining sanliq melumatida ashkarilinishiche, bultur 9 ‏- aydin bu yil 9 ‏- ayghiche bolghan bir yil ichide, Uyghur élide yéngidin eydiz wirusi bilen yuqumlan'ghuchilarning sani 6000 gha yéqin bolup, künige texminen 17 din köpeygen.

Mezkur melumatta körsitilishiche, bu yil 9 ‏- ayning axirigha qeder, Uyghur élining her qaysi jayliridiki tizimgha élin'ghan eydiz wirusi bilen yuqumlan'ghuchilarning omumiy sani 17 mingdin ashqan bolup, eydiz késilige giriptar bolghuchilarning özi 700 din ashqan hemde mezkur késel tüpeylidin ölgenler sani 100 din ashqan. Bu san xitaydiki tizimliktiki omumiy sanning 10% ni igileydiken.

Uyghur aptonom rayonluq sehiye nazaritining melumatida éytilishiche, hazir Uyghur élide eydiz mesilisi eng éghir bolghan rayon ili wilayiti bolup, mezkur jaydiki hamildar ayallarning eydiz wirusi bilen yuqumlinish nisbiti 1% ke yetken. Bularning köp sandikisining erliri zeherlik chékimlik tüpeylidin eydiz wirusini özige yuqturuwalghan, shuning bilen jinsiy munasiwet arqiliq öz ayallirigha yuqturghan iken.

Yerlik sehiye orunliri"hazir Uyghur élidiki eydiz wirusi bilen yuqumlan'ghuchilarning omumi sani 60 mingdin éship ketti, shundaqla kelgüsi bir nechche yil ichide, Uyghur élide téximu keng da'iride eydiz apiti yüz bérishi mumkin" dep perz qilmaqta. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.