Uyghur élide eydiz bimarliri yene köpeydi
2007.03.22
Xitay xewerliri tor bétining ashkarilishche, ürümchide hazir hökümet terep ilan qilghan eydiz bimarliri 6936 neper bolup aldinqi yildikidin 2051 neper köpeygen. Bu künige texminen 6 din köpeygen'ge toghra kélidiken.
Fransiye agéntliqining birleshken döletler teshkilatidin bergen xewiridin melum bolushiche, 21 - mart küni asiyaliq méditsina mutexessisliri birliship asiya qit'eside künsayin örlewatqan eydiz apitige dunya jama'etchilikining diqqitini qozghashqa chaqirdi.
Melum bolushiche, hazirgha qeder asiyada bayqalghan eydiz bimari 8. 5 Milyon bolup, téxi bayqalmighanlirining qanche milyon ikenliki namelum iken. Hazir asiya qit'esi eydiz késilining yuqumlinishi jehette afriqidin qalsa ikkinchi orunda turidiken.
Birleshken döletler teshkilati eydiz bölümining bildürüshiche, ötken yili asiya qit'eside 630 ming adem eydiz wirusi bilen qaza qilghan.
Yighin'gha qatnashqan mongghuliyining birleshken döletler teshkilatidiki elchisi bata choysurin munularni bildürdi: salametlik we yuqumluq késellerdin qoghdinish éngi towen bolghan, zeherlik chékimlik chekküchiler, pahishe ayallar, aqqun ishchilar we bechchiwaz erlerning eydiz bilen yuqumlinish xetiri intayin yuqiri iken.
Uyghur mutexessislerning qarishiche, Uyghur élide yuqiriqi ijtima'iy mesililerning künsayin örlishidin bashqa yene, eydiz heqqide telim- terbiye we teshwiqat ishlirining yaxshi bolmasliqi, hökümet terepning yéqindin köngül bolup mesililerni tüptin hel qilmasliqimu eydiz wirusining yamrap kétishidiki asasliq sewebler bolup hésablinidiken. Birleshken döletler teshkilati 2000-yili eydiz dölet bixeterlikige tehdit élip kilidu dégen asasta bir qarar maqullighan idi. Ötken yili iyunda, birleshken döletler teshkilati omumiy ishlar mejlisi eydizdin yuqumlinish ehwalini "dunyawi diqqet-itibar" telep qilidighan "dunyawi jiddiy ehwal" dep ilan qilghan idi. (Jüme)
Munasiwetlik maqalilar
- Uyghur aptonom rayonida zeherlik chékimlik xumarlirigha yéngi türdiki dora ishlitish teshebbus qilindi
- Xitayning hökümiti özining iqtisadiy tereqqiyatini tiz ilgirilitiwatqan Uyghur aptonom rayonida xelqning salametliki éghir mesilige yüzlenmekte
- Shinjang méditsina uniwérisitétining doxtorxanisini eydiz késilini dawalaydighan doxtorxanilar qatarigha qoshuldi
- Uyghur élide eydiz bimarliri künige 17 din köpeymekte
- Birleshken döletler teshkilati eydiz heqqide yéngi melumat élan qildi