Alataw chégra éghizi nahiye derijilik sheher bolushni telep qildi
2007.11.20
Shinxu'a agéntliqining 20 - noyabir xewiridin ashkarilinishiche, Uyghur éli bilen qazaqistanning chégrisi bolghan alatawdiki, alataw chégra bashqurush komitéti, yuqiri derijilik munasiwetlik da'irilerge alatawni nahiye derijilik sheher qilip qurushni iltimas qilghan.
Alataw xitay boyichimu néfit turubisi, tash yol hem tömür yoldin ibaret üch xil transiport liniyisi birleshken birdin - bir chégra éghizi hésablinidu. 1991 - Yilidin buyan alatawning import - ékisport miqdari yiligha %26 ke yéqin sür'ette yuqirilap barghan bolup, 11 yil uda memliket buyiche ikkinchi orunni saqlap kelgen. Bu yil 1 - aydin10 - ayghiche alataw chégrisi arqiliq toshulghan mal 140ming 300 tonnigha yetken.
Pilan buyiche alataw sheher da'irisi 27.65 Kwadrat kilométir etrapida qurulmaqchi bolup,xewerde alataw chégra bashqurush komitéti partkom sékritari chü xangning sözidin neqil élip körsitishiche, yéqinqi yillardin buyan alatawning barghanche éship bériwatqan import - ékisport sür'itige mas halda, chégra etrapida 300 dek shirket hem orunlar qurulghan. Nopusi 30 minggha yetken. Alatawning tereqqiyatigha maslishish üchün da'iriler bu chégrani sheher qilip qurup chiqishni iltimas qilghan iken. Uning bildürüshiche, eger sheher bolush pilani ishqa ashsa, alatawda néfit ximiye pishshiqlap ishlesh hem kan bayliqlirini pishshiqlap ishlesh qatarliq saheler buyiche nurghun emgek küchi, ixtisasliqlargha ish pursiti yaritilidiken.
Alataw chégra rayoni Uyghur élining shimalidiki eng keng tüzlenglikke jaylashqan shamal éghizi hésablinidu, yer tüzülüshining alahidiliki tüpeyli bu jayda yilida ottura hésab bilen 165 kün 8 bal etrapida shamal chiqidu.
Alatawghimu yéqinqi yillardin buyan Uyghur élining bashqa jaylirigha oxshashla, xitay sodiger hem köchmenliri köplep orunlishiwatqan bolup, bezi Uyghurlarning bildürüshiche, xitay da'irilirining alatawni sheher qilishni pilanlishi, barghanche éshiwatqan köchmen nopusini orunlashturush hem bashqurushni asanlashturush üchün iken. (Gülchéhre)
Munasiwetlik maqalilar
- Qazaqistan bash ministiri Uyghur ilini ziyaret qildi
- Xitay - qazaqistan arisida 2 - néfit turubisi yatquzush kélishimi imzalandi
- Nazarbayif qazaqistan - xitay hemkarliqi heqqide toxtaldi
- Nursultan nazarbayif xitay bilen énérgiye we siyasiy hemkarliqni kücheytishni teshebbüs qildi
- Wang léchüen bu ay ichide qazaqistanni ziyaret qilmaqchi
- Xitay- qazaqistan birlesh manéwirining ikkinchi basquchi bashlidi
- Qazaqistan - junggo térrorizmgha qarshi turush birleshme manéwiri bashlandi
- Xitay qazaqistan'gha tutushidighan 2 - tömür yolni yasimaqchi
- Alataw - atasu néfit turuba yolida pat yéqinda néfit éqitilishqa bashlaydu
Köp körülgen xewerler
RFA
- Amérika hökümiti ekper es'etning tutqun qilin'ghanliqining 9-yilliqida uning qoyup bérilishini telep qildi
- Xitay hökümiti Uyghur sen'etkarlarni yawropada oyun qoyghuzup Uyghur irqiy qirghinchiliqini yuyushqa urun'ghan dep eyiblenmekte
- Shinjang hökümiti yéqinda tembur chalghan Uyghur qizning widiyosini tartqan xitay sen'etkarni jazalighan
- Xitayning yuqiri derijilik emeldari Uyghur rayonida xitay tilini kéngeytish we térrorizmgha qarshi turushqa chaqiriq qildi
- Shiwitsiye hökümiti xitay üchün jasusliq qilghan dep eyibligen bir Uyghurni tutup jiddiy tekshürmekte